காவேரி கணேஷின் பக்கங்கள்

இதழ்

2011-12-17T11:09:00.001+05:30

உடைந்து சிதறிய
முகக்கண்ணாடியின்
சில்லு ஒன்று
அவள் இதழில்…

கரத்தில் எடுத்தால்
வலி பொறுக்க மாட்டாளெண்னி

என் இதழால்
சில்லை எடுத்து
உயிர்ந்து கிளம்பிய
குருதியை சுவைத்தால்

ச் சீய்.. போடா..
ரத்த காட்டேரி என்கிறாள்..

சலனங்கள்...

2011-12-17T10:46:00.002+05:30

உன்

நீள, அகலங்கள்
என் மனதில்
எப்பொழுதும்
சலனங்களின் உயரமாய்...

காவேரி கணேஷ்.

ஒற்றை வார்த்தை.

2011-10-20T20:29:00.002+05:30

சுயம் அற்ற ,
சூன்யமாய் இருந்தாலும்,
நம்பிக்கை என்ற
ஒற்றை வார்த்தையிலேயே
தினமும்
தொடங்குகிறது,
வாழ்க்கை...

சென்னை பதிவர் சந்திப்பு--26/02/2011

2011-02-25T08:36:00.005+05:30

அன்பான பதிவர்களே,

டிசம்பர் சீஸன் இசைக்கச்சேரி போல டிசம்பர் மாதம் நம் பதிவர்களின் புத்தக வெளியீடு நிகழ்வுகளாய் இருந்ததினால் பதிவர் சந்திப்பு நடத்த முடியாமல் போனது.

இதோ, பதிவர் சந்திப்பு இந்த வாரம் 26/2/2011 சனிக்கிழமை மாலை 6 மணியளவில் சென்னை K.K. நகர் முனுசாமி சாலையில் உள்ள டிஸ்கவரி புக்பேலஸில் நடைபெற உள்ளது.

அவ்வமயம், தமிழ் திரையுலகில் தென்மேற்கு பருவகாற்றாய் வீசிய இப்பட்த்தின் இயக்குனர் திரு.சீனுராமசாமி, நம் பதிவர்களை சந்திக்க மிக்க விருப்பம் தெரிவித்துள்ளார்.

சிங்கை பதிவர் சகோதரர் ஜோசப் பால்ராஜ் சென்னையில் உள்ளார், பதிவர் சந்திப்பில் கலந்து கொள்ள இருக்கிறார்.

மேலும், நம் பதிவர்கள் ,

சென்னையில் இந்த பிப்ரவரி மாத்தில் மழை பெய்கிறது , அப்படியானல் அண்ணன் கேபிள் சங்கர் ஏதேனும் நாவல் எழுதுகிறாரா? ,

மயில் ராவணனால் உருவாக்கப்பட்ட ஜெய் ஜாக்கி சங்கத்தின் நோக்கம் என்ன ?

பிரபல பதிவர் சட்டமன்ற உறுப்பினருக்கான நேர்காணலில் கலந்து கொள்கிறாரா?

கவுதம் பீட்டர் மேன்னின் நடுநிசி நாய்கள் படம் பார்த்த நம் பதிவர் அதிஷா, மிக்க மனநலம் பாதித்துள்ளார் , அதற்கான காரணம் என்ன ?

பட்டர் பிளை சூர்யா எங்கே போனார் ?

கிழக்கின் டிஸ்கவுண்ட் சேல்ஸ் ஒரு பார்வை.

இவற்றை பற்றி தெரிந்து கொள்வதற்கான பதிவர்களின் ஒருங்கிணைப்பு கூட்டம் நடைபெறவுள்ளது. அனைத்து பதிவர்களும், வாசகர்களும் கலந்து கொள்ள வேண்டுமாறு அன்புடன் கேட்டுக்கொள்கிறேன்.

இடம் : டிஸ்கவரி புக் பேலஸ்
நேரம் : மாலை 6 மணி
தேதி : 26/02/11
கிழமை: சனிக்கிழமை

சிறப்பு விருந்தினர் : இயக்குனர் திரு. சீனு ராமசாமி.

அன்புடன் ,

காவேரி கணேஷ்

கவிஞர் யாத்ராவின் “மயிரு ”- கவிதை தொகுப்பு வெளியீடு-புகைப்படங்கள்.

2010-12-30T10:49:00.020+05:30

நண்பர், பதிவர், யாத்ராவின் “மயிரு” , கவிதை தொகுப்பு அகநாழிகை பதிப்பகத்தால் மிகச்சிறப்பாக , சென்னை K.K.நகர் , டிஸ்கவரி புக் பேலஸில்,நடந்தது.

சுமார் 50 பேருடன் நடந்த இந்த விழா , வந்திருந்தவர்களின் கருத்து, பரிமாற்றத்துடன் நடந்த நிகழ்வு என சொல்லலாம்.

அகநாழிகை பதிப்பகத்தால் , நேர்த்தியாக வடிவமைக்கபட்ட தாளில்,

லேமினேட் செய்யப்பட்டு, “ மயிரு ”, கவிதை தொகுப்பு,

கவிஞர் ராஜ சுந்தரராஜன் அவர்களால் வெளியிடப்பட்டு,

பதிவர், கவிஞர் ஜ்யோவ்ரம் சுந்தர் அவர்களால் பெற்றுக்கொள்ளப்பட்டது.

அகநாழிகை பொன்.வாசுதேவன் வரவேற்புரையாற்ற,கவிஞர் ராஜ சுந்தரராஜன், ஜ்யோவ்ரம் சுந்தர் சிறப்புரையாற்றினர்.

கவிதை தொகுப்பின் நூலாசிரியர் யாத்ரா அவர்கள் கவிதை தொகுப்பையும், தான் கடந்து வந்த பாதையையும் எடுத்துரைத்தார்.

முடிவில், பொன்.வாசுதேவன் நன்றியுரையாற்ற விழா இனிதே முடிந்தது.

வந்திருந்த பதிவர்கள் ,

மணிஜி, கேபிள் சங்கர், சிவராமன், ஜ்யோவ்ரம் சுந்தர், பொன்.வாசுதேவன் ,

மயில் ராவணன், ஷங்கர், வசுமித்ரன், உயிரோடை லாவண்யா, நர்சிம், லக்கிலுக், அதிஷா, விமலாதித்த மாமல்லன், பெஸ்கி, சாம்ராஜ்ய பிரியன், முத்துவேல், குகன், அசோக், விஜய மகேந்திரன், புரூனோ,உழவன், இன்னும் சிலர்.

விழாவின் புகைப்படங்கள்.

அகநாழிகை பொன்.வாசுதேவன் வரவேற்புரை.
கவிஞர் ராஜ.சுந்தரராஜன் கவிதை தொகுப்பினை வெளியிட, திரு,ஜ்யோவ்ரம் சுந்தர் பெற்றுக்கொள்கிறார்

கவிஞர் ராஜசுந்தரராஜன் சிறப்புரை.

ஜ்யோவ்ரம் சுந்தர் அவர்களின் சிறப்புரை.

யாத்ரா அவர்களின் ஏற்புரை.

மயில்ராவணனுடன் , எழுத்தாளர் விமலாதித்த மாமல்லன்.

அன்புடன்,

காவேரி கணேஷ்.

சாரு நிவேதிதாவின் 7 புத்தக வெளியீடு--EXCLUSIVE புகைப்படங்கள்

2010-12-14T11:25:00.037+05:30

எழுத்தாளர் சாரு நிவேதிதாவின் 7 புத்தகங்களின் நூல் வெளியீடு மிக சிறப்பாகவும், விமர்சையாகவும் சென்னை காமராஜர் அரங்கத்தில் நடைபெற்றது.

மாலை 5.45 மணிக்கு சென்றால் , நம் பதிவர்கள் 30 பேர் வரை வந்திருந்தார்கள்.

சாருவும், அவர் மனைவி அவந்திகாவும் வந்திருந்தவர்களை உபசரித்து, மாலை நேரத்து காபியும், சமோசாவையும் சாப்பிடுமாறு மிகவும் பணித்தார்கள்.

காமராஜர் அரங்கம் போன்ற மிகபெரிய அரங்கத்தில், புத்தக வெளியீடு நடத்துவது என்பது ஒரு எந்திரன் திரைப்பட வெளியீட்டை போல செய்யவேண்டிய விசயம், அதையும் சாரு வெற்றி கொண்டிருக்கிறார் என்றே சொல்லலாம்.அரங்கம் 60 சதம் நிரம்பியிருந்தது, அதிலும் முக்கியம் இரவு 10 மணி வரை வாசகர்கள் இருந்தனர் என்பது சாருவுக்கு வாசகர்கள் கொடுத்த முக்கியத்துவம் என்பதே சான்று.

எழுத்தாளர் பாலகுமாரன் தொடக்கம் முதல் இறுதி வரை இருந்தார், அவரின் கடலோர குருவிகள் நாவலை 100 முறையாவது படித்திருப்பேன்.

உயிர்மைப்பதிப்பகத்தின் மனுஷ்யபுத்திரன் வரவேற்புரையாற்ற,

நல்லி குப்புசாமி செட்டி அவர்கள் வாழ்த்துரை வழங்க , நல்லி அவர்கள் புத்தகம் வெளீயிட, புத்தகங்களை சாருவின் வாசக நண்பர்கள் பெற்று கொண்டது மிகச்சிறப்பு.

அதிலும், நம் நண்பர், பதிவர் நர்சிம் அவர்கள், சாருவின் சரசம், சல்லாபம், சாமியார் நித்தியானந்தர் பற்றிய புத்தகத்தை பெற்று கொண்ட பொழுது கைத்தட்டலும், விசிலும் பறந்தது.

நம் பதிவர்களின் கைத்தட்டலும், விசிலும் சாருவின் விழாவிற்கு மெருகூட்டியது எனலாம், பேச்சாளர்களின் பேச்சுகளை அவ்வளவு உற்சாகப் படுத்தினார்கள்.

வந்திருந்த பதிவர்கள்:

மணிஜி,அகநாழிகை வாசு,நித்யகுமாரன்,உண்மைதமிழன்,நர்சிம்,லக்கி,நிலாரசிகன்,அதிஷா,சாம்ராஜ்யபிரியன்,ராஜபிரியன்,ஜியரோம்சுந்தர்,
வண்ணத்து பூச்சி சூர்யா, மயில்ராவணன்,கேபிள்,கேஆர்பி செந்தில், காவேரிகணேஷ்,ஊர்சுற்றி,ரமேஷ்வைத்யா, பஸ்சில் தனது உயிர் மூச்சை வைத்து இருக்கும் ஈஸ்வரி,அசோக்,லதா மகன் இன்னும் நிறைய பேர்..

மேலும், விழா பற்றிய விபரம் அறிய நண்பர் ஜாக்கியின் தளத்தை பார்க்கலாம்.

http://www.jackiesekar.com/2010/12/13122010.html

இனி, புகைப்படங்கள்:

பதிவர் பட்டர் பிளை சூர்யா.
பதிவர், தற்பொழுதைய சமகால கவிஞர் நர்சிம்..
அகநாழிகை வாசு.
மணிஜி தண்டோரா, உண்மை தமிழன்.
பதிவர்கள் லக்கிலுக், அதிஷா, எழுத்தாளர் ஷோபாசக்தி.

பின் வரிசையில் பதிவர்கள் அஷோக், மயில் ராவணன்.
பதிவர் ஜாக்கி,சேகர், நித்யா, உண்மை தமிழன்.

பின் வரிசை கே.ஆர்.பி செந்தில், கேபிள் சங்கர்
பதிவர் நர்சிம் , லக்கிலுக்
பத்திரிக்கையாளர் கவின் மலர், எழுத்தளார் சோபா சக்தி.

உயிர்மை மனுஷ்யபுத்திரன் வரவேற்புரை
சாருவின் வாசக நண்பர்கள் புத்தக்தை பெற்று கொண்ட நிகழ்வு.
பதிவர் நர்சிம் புத்தக்த்தை பெற்று கொண்டார்.

சாருவின் மனைவி அவந்திகா அவர்கள் புத்தகம் பெற்று கொண்டார்.
நல்லி அவர்கள் வரவேற்புரை
சட்ட மன்ற உறுப்பினர் ரவிகுமார் புத்தக அறிமுக உரை
கவிஞர் தமிழச்சி தங்க பாண்டியன் புத்தக விமர்சன உரை.
கவிஞர் கனிமொழி அவர்கள் சிறப்புரை.
மதன் அவர்களின் உரை, மிக சிறப்பாகவும், அவரின் படிப்பாற்றல் மிகவும் வெளிப்பட்டது.
நந்தலாலா மிஷ்கின் உரை.

சாரு அவர்களின் புத்தக வெளீயிடு விழா, டிசம்பர் மாத இசை கச்சேரி போன்று , செவிக்கும், சிந்தனைக்கும் விருந்து வைத்த விழா என்றே சொல்லலாம்.

எழுத்தாளர் S.ராமகிருஷ்ணன் புத்தக விமர்சன உரை.

கேபிள் சங்கரின் புத்தக வெளியீட்டு விழா--சினிமா வியாபாரம்--புகைப்படங்கள்-தொகுப்பு

2010-08-21T23:17:00.031+05:30

அண்ணன் கேபிள் சங்கரின் புத்தக வெளியீட்டு விழா , இன்று சனிக்கிழமை மாலை தி.நகர் தக்கர் பாபா வித்யாலயாவில் சிறப்புற நடைப்பெற்றது.

கேபிளாருக்கும் , இயற்கைக்கும் என்ன ஏழாம் பொருத்தமோ? எப்பொழுது எந்த நிகழ்வினை கேபிள் ஏற்பாடு செய்தாலும் மழை கொட்டும் போல,

சென்னையில் கடந்த ஒரு வாரமாக அமைதி காத்த மழை , விழாவினையொட்டி மழையும் பெய்தது. மழையும் பொருட்ப்படுத்தாமல் 50 பேர் வந்திருந்தனர்.

தயாரிப்பாளர் பிரமிட் நடராஜன், கவிஞர் நா.முத்துகுமார், ஒளிப்பதிவாளர் மதி, கிழக்கு பதிப்பகம் பத்ரி மேடையேற , வெளியீட்டு விழா ஆரம்பமாகியது.

பிரமிட் நடராஜன் கேபிளின் குடும்பத்தை புகழ்ந்து கூறினார்,
தான் சென்னைக்கு வந்த பொழுது தனக்கு கேபிள் சங்கரின் குடும்பம் அடைக்கலம் கொடுத்ததை நினைவு கூர்ந்தார்,

இதே நினைவு கூர்தலை ஏற்கனவே கேபிளின் முதல் புத்தக வெளியீட்டிலும் கூறினார். நன்றிகளை மறக்கும் காலத்தில், இரண்டு முறை மேடையேறி நன்றிகளை தெரிவிப்பது பாராட்ட தக்கது.

மேலும் நடராஜன், பதிவர்களையும் , பதிவுகளையும் மிகவும் பாராட்டினார், வலையுலக பதிவுகள் இப்பொழுதைய டிரெண்டு என்பதை, கேபிள் சங்கரின் ஜெயா டி.வியில் நேர்காணலின் போது பதிவுகள், பதிவர்கள் பற்றி அதிகம் தெரிந்து கொண்டதாக குறிப்பிட்டார்.

மேலும் புத்தகம் குறித்தான அவரின் பார்வைகளை வெகுவாக பதிந்தார்,

அதுவும் தான் தயாரித்த சங்கமம் படம் சேட்டிலைட் ரைட்ஸ் கொடுக்கபடாத காலத்தில், தன்னுடைய படத்தை சன் டிவிக்கு வழங்கியது அப்பொழுது பரபரப்பாக பேசப்பட்ட விசயத்தை, அதன் சூட்சமத்தை , வெளியில் வராத விசயங்களை கேபிள் தன்னுடைய புத்தகத்தில் குறிப்பிட்டிருப்பதை கூறினார்.

கேபிள் சங்கர் மிகவிரைவில் திரைப்படம் இயக்கவேண்டும் என வாழ்த்துக்கள் கூறி விடைப்பெற்றார்.

ஒளிப்பதிவாளர் மதி அவர்கள் சுருக்கமாக சினிமா வியாபாரம் புத்தகம் குறித்தான
பார்வையை விவரித்தார். தம்மை போன்ற டெக்னிசியன்கள் , அதற்கு மேலும் உள்ள சினிமா வியாபார நுணுக்கங்களை இந்த புத்தகம் தெரிவிப்பதாக குறிப்பிட்டார்.

கவிஞர் நா.முத்துகுமார், கேபிளாரின் புத்தகத்தை பற்றி சிலாகித்து பேசினார்,

வெளியூரிலிருந்து படம் எடுப்பதற்காக ஒவ்வொரு ஊரிலிருந்து வரும் தயாரிப்பாளர்கள் கையில் இருக்க வேண்டிய புத்தகம் என்றும்,

மேலும் இந்த புத்தகம் பல பிரதிகள் விற்ற பின்னர் நடைபெறும் வெளியீட்டு விழா என்றும், இதே மாதிரி தன்னுடைய பட்டாம் பூச்சி விற்பவன் கவிதை தொகுப்பு , புத்தக கண்காட்சியில் விற்பனைக்கு வைக்கப்பட்ட பின் ,போட்ட 800 பிரதிகளில் 750 விற்றுபோக , மீதி 50 யை வைத்து கொண்டு , பாலுமகேந்திரா அவர்களை கொண்டு வெளியிட்ட விழாவில் 300 புத்தகத்திற்கு ஆர்டர் வந்த விசயத்தை சுவைப்பட கூறினார். அதே போல் கேபிளின் புத்தகம் விற்கும் என கூறினார்.

மேலும் புத்தகம் குறித்தான பார்வையில் பல நுட்பமான தகவல்களை இந்த புத்தகம் தெரிவிப்பதாக குறிப்பிடார். ஒரு படத்திற்கு விளம்பரம் எவ்வளவு முக்கியம், கலைப்புலி தாணு கூலிக்காரன் தொடங்கி கந்தசாமி படங்கள் வரை அவர் பண்ணிய விளம்பரங்கள், அதனால் அவர் பெற்ற வெற்றி,

ஜெமினி அதிபர் S.S வாசன் திரைப்பட வியாபாரம் செய்வதற்கு அந்த காலத்திலயே மும்பை சென்ற விதம்,

மேலும் கேபிள் சங்கர் அவர்களே விநியோகத்தில் ஈடுப்பட்டது,” சேது ”படத்தை விநியோகம் செய்ய ப்ரிவியூவில் பலமுறை சேது படத்தை பார்த்து, அதை வாங்கமால் கஷ்டப்பட்டது, “ உயிரிலே” என்ற படத்தை வாங்கி கஷ்டப்பட்டது என பல விசயங்களை இந்த புத்தகம் தெரிவிப்பதாக கவிஞர் நா.முத்துகுமார் தெரிவித்தார்.

கேபிள் சங்கர் தன்னுடைய ஏற்புரையில் , வந்திருந்த அனைவருக்கும் நன்றி தெரிவித்துவிட்டு, இந்த புத்தகத்தின் பங்களிப்பில் நம்முடைய பதிவர் ஹாலிவுட் பாலா முக்கியம் இடம் பெறுவதாக தெரிவித்தார்,

இந்த புத்தகத்தில் ஹாலிவுட் பகுதியில் எழுதுவதற்கு நிறைய விசயங்கள் தேவைப்பட்டதாகவும், இணையத்தில் தேடியும் கிடைக்காமல், நண்பர் பதிவர் ஹாலிவுட் பாலா உதவிக்கு வந்தார் எனவும், ஒவ்வொரு சனி, ஞாயிறுகளில் அமெரிக்காவில் உள்ள multiplex மேனேஜர்களிடம் appointment வாங்கி, தான் கேட்கும் கேள்விகளுக்கு பதில் பெற்று, பேட்டி எடுத்து 350 பக்கம் டேட்டாவாக கொடுத்தவர் பாலா என்றும், அவருக்கு மிகவும் நன்றி தெரிவிப்பதாக கூறினார்.

நன்றியுரையில் கிழக்கு பதிப்பகம் பத்ரி அவர்கள், இந்த துறையின் வியாபாரம் குறித்து சங்கர் தொடர்ந்து ஆரம்பத்தில் தகவல்களாக எங்களிடம் தெரிவித்தார், அதன் பின்பு புத்தகமாக போடலாம் என ஜடியா உதித்தது எனவும்,

இந்த புத்தகம் ஆண்டிற்கு 5000முதல்--8000 வரை விற்கும் எனவும், தங்களுடைய good list ல் இந்த புத்தகம் இருக்கும் என தெரிவித்தார்.

பதிவர்களிடம் , என்னிடம் திறமை இருக்கிறது, என்னிடம்கொடுத்தால் நல்ல படத்தை எடுக்க முடியும் என்பது மாதிரி புத்தகம் எழுத ஆர்வமுள்ளவர்கள் ,தன்னை தொடர்பு கொள்ளலாம் என்று பத்ரி கூறியவுடன்

நம்முடைய பதிவர் , குறும்பட இயக்குனர் ஆதிமூல கிருஷ்ணனை எல்லா பதிவர்கள் பார்த்தனர், அதன் அர்த்தம் ஆதியார் புத்தகம் எழுத போகிறார் என்பதாகவே புலப்பட்டது.

விழாவினை கிழக்கு பதிப்பகத்தார் சிறப்புடன் ஏற்பாடு செய்திருந்தனர், கிழக்கின் ஹரன் பிரசன்னா தொகுத்து வழங்கினார்.

வந்திருந்த பதிவர்கள்: கார்க்கி, அகநாழிகை பொன்.வாசுதேவன், மணிஜி தண்டோரா, சங்கர்,பெஸ்கி,குகன், சுகுமார் சுவாமிநாதன்,,லத்திப், அன்பு, சென், ஆதிமுலகிருஷ்ணன், ஜெட்லி, லக்கிலுக், அதிஷா, அதியமான், K.R.P. செந்தில்,நர்சிம், அப்துல்லா, மறத்தமிழன், பலாப்பட்டறை சங்கர், விஜய மகேந்திரன், மயில் ராவணன், எறும்பு ராஜகோபால் , காவேரி கணேஷ், புதிய பதிவர் என்னது நான் யாரா? ( பெயரெ வித்தியாசமாக இருக்கிறது).

இனி புகைப்படங்கள்:

சங்கர், சுகுமார் சுவாமிநாதன், தண்டோரா மணிஜி.

பதிவர் லக்கிலுக்

கவிஞர் நா.முத்துகுமார் “ சினிமா வியாபாரம் “ புத்தக வெளியிட பிரமிட் நடராஜன் பெற்று கொள்கிறார்.

ஒளிப்பதிவாளர் மதி பெற்று கொள்கிறார்.

கையில் புத்தகங்களோடு கூடவே புன்னகையும்

பதிவர்கள் ஜெட்லி, சங்கர், கார்க்கி, பின்னால் k.r.p செந்தில், சுகுமார் சுவாமிநாதன்.

பதிவர்கள் லக்கிலுக், அகநாழிகை பொன்.வாசுதேவன், குகன்

அதிஷா, அதியமான்.

திரு.பிரமிட் நடராஜன் சிறப்புரை

பதிவர் வெண்பூ, சகோதரர் அப்துல்லா.

ஒளிப்பதிவாளர் மதி சிறப்புரை

கவிஞர் நா.முத்துகுமார் அவர்களின் நூல் அறிமுகம் உரை

கேபிள் சங்கரின் ஏற்புரை

கிழக்கு பதிப்பகம் பத்ரி அவர்களின் நன்றியுரை.

நூலாசிரியர் கேபிள் சங்கருடன், ஒளிப்பதிவாளர் மதி.

கவிஞர் நா.முத்துகுமாருடன்.

நானும், ஒளிப்பதிவாளர் மதியும்.

சகோதரர் அப்துல்லா, காவேரி கணேஷ், நா.முத்துகுமார், நர்சிம்.

இரவின் ஒளியில் பதிவர்கள் மயில் ராவணன், எறும்பு ராஜகோபால், மறத்தமிழன், பலாப்பட்டறை சங்கர்.

அகநாழிகை, கேபிள் சங்கர், குகன்.

அன்புடன்
காவேரி கணேஷ்

பதிவர் பட்டர்பிளை சூர்யாவின் “உலக சினிமா” பற்றி ஜெயா தொலைகாட்சி பேட்டி--சூடான புகைப்படங்கள்

2010-07-29T08:48:00.011+05:30

அன்பு நண்பர்களே,

நம் நண்பர் பதிவர் பட்டர்பிளை சூர்யா உலக சினிமா பற்றி தொடர்ந்து பல நாட்டு மொழி படங்கள் குறித்தான விமர்சனங்களை எழுதி வருகிறார்.
தமிழ் திரையுலகின் முண்ணணி இயக்குனர்கள் இவரின் பதிவை தொடர்ந்து வாசித்து வருகின்றனர்.

உலக சினிமா குறித்தான இவரின் பேட்டி இன்று ஜெயா தொலைகாட்சியில் காலை மலர் நிகழ்ச்சியில் வெளியானது.

அதன் புகைப்படங்கள் உங்கள் பார்வைக்கு...

கொஞ்சம் தேனீர், நிறைய்ய ஆகாயம்..நிகழ்வு தொகுப்பு,புகைப்படங்கள்

2010-07-11T12:39:00.024+05:30

போட் கிளப்பில் உள்ள ஆறு கூவமா அல்லது அடையாறுவா?
நன்றியுரை அஜயன் பாலா.
ஜீவா எழுத்துரு ஜி.முருகன்
மலேயா வாழ் தமிழர் பாலா பிள்ளை
அமெரிக்கா வாழ் தமிழர் மணிவண்ணன்

திரைப்பட இயக்குனர் செல்வகுமார்

பதிவர் கேபிள் சங்கர்.

பதிவர் ஆசிப் மீரான்

பதிவர் உமாஷக்தி

பதிவர் லக்கி லுக்

ஓசை செல்லா

பதிவர் பயோ-டேட்டா செந்தில் குமார்.

டி.சர்டில் பதிவர் ஜாக்கி சேகர்.

கவிஞர் பத்ரி நாராயணன்.

தடாகம்.காம் நிறுவனர்.

சிக்கிமுக்கி.காம் தாரா கணேசன்

பதிவர் ஆசிப் மீரான்.

தண்டோரா மணிஜி, கேபிள்

சிக்கி முக்கி.காம், தடாகம்.காம் , ஓசைசெல்லா, அஜயன் பாலா முயற்சியில் உருவாக்கப்பட்ட நிகழ்வு சனிகிழமை காலை அண்ணா பல்கலைகழகம் அலுமினி கிளப்பில் நடைப்பெற்றது.

சென்னையில் காலிமனை விலை என்றுமே மிக அதிகப்பட்ச விலையில் உள்ள போட்கிளப்பில் ரோட்டில் இந்த அரங்கம் அமைந்துள்ளது.

மிக குறுகிய காலத்தில் உருவாக்கப்பட்ட இந்த நிகழ்வுக்கு சுமார் 30 பேர் வந்திருந்தனர்.இணையத்தின் முந்தைய காலம், நிகழ் காலம், எதிர்காலத்தில் நாம் செய்யவேண்டிய முயற்சிகள் விரிவாக எடுத்துரைக்கபட்டது.

முக்கிய விருந்தினர்களாக மலேயா வாழ் தமிழர் , தமிழ்.நெட் நிறுவனர் பாலா பிள்ளை, அமெரிக்காவில் நெடுங்காலம் வாழ்ந்து திரும்பிய மணிவண்ணன், ஜீவா எழுத்துரு முருகன், மற்றும் பதிவர்கள் வரிசையில் பேச்சளார்களாக லக்கிலுக், மூத்த பதிவர் கேபிள் சங்கர், நம்ம அண்ணாச்சி ஆசிப் மீரான் பேசினர்.

ஓசைசெல்லா ஒருங்கிணைக்க, அஜயன் பாலா இணைய வளர்ச்சி குறித்து பேசினார்.

சிக்கிமுக்கி.காம் தாரா கணேசன் வரவேற்புரையாற்ற , தாரா அவர்கள் இணையத்தை பயன்படுத்துவோர் உலக அளவில் ஒப்பிட்டார்.1995-ல் வெறும் 16 மில்லியனாக இருந்த பயனுற்றோர் தற்பொழுது 1000 மில்லியானாக உயர்ந்துள்ளது.உலக மொத்த தொகையில் 26 சதவீதமாக உள்ளது, மேலும் தன்னின் சிக்கிமுக்கி.காம் ஏழு மாத குழந்தை என்றும், தன் தளத்தில் எழுதுவதற்கு விருப்பம் உள்ளவர்கள் அணுகலாம் என தெரிவித்தார்.

தடாகம்.காம் நிறுவனர் CTS ல் வேலை செய்து, இந்த தளத்தை உருவாக்கியுள்ளார்.

இயக்குனர் செல்வகுமார் , wizq.com மற்றும் secondlife.com தளங்களின் பயன்பாடு குறித்து தெரிவித்தார்.நம்முடைய சொந்த வகுப்பறைகளை இந்த தளத்தில் உருவாக்கி கொள்ள முடியும்.

அடுத்து, நம்ம பதிவர்கள், லக்கிலுக், வலை என்பதே பிரிண்ட் மீடியாவுக்கு நல்ல மாற்று எனவும்,நம்முடைய மாற்று பார்வைகளை தைரியமாக வைக்கமுடியும் எனவும், பொதுவாக திரட்டிகள் தேவையில்லை எனவும் தெரிவித்தார்.

மேலும் , citizen journalsim வலைபதிவுகளில் இல்லை என குறைப்பட்டு கொண்டார், citizen journalsim என்றால் என்ன என்பதற்கு நம் பதிவர் கேபிள் சங்கரின் சாப்பாட்டு கடையை உதாரணம் காட்டினார்.

மேலும், வலையில் audio blogging, video blogging , பதிவர் ஓசைசெல்லாவை தவிர யாரும் பயன்படுத்தவில்லை என குறைப்பட்டு கொண்டார்.

அடுத்து, நம்ம ஆசிப்மீரான் ,,முக்கியாமாக ஆசிப்பின் முதல் பேச்சை கேட்கிறேன், தூயதமிழில் என்ன அழகான உரை.

அவரின் பதிவுலகம் பற்றி அழகாக பகிர்ந்து கொண்டார்.அவர் வந்த காலத்தில் இருந்த மூத்த எழுத்தாளர்களை நினைவு கூர்ந்தார்.

தற்பொழுது நிறைய எழுதுவதில்லை என்றும், தற்பொழுது கவிதை எழுதுவபவர்களை ஒரு வாங்கு வாங்கினார், கவிதைக்கு எதிர்கவிதை எழுதுவேன் என்றும், சரியில்லாத கவிதைக்கு கவுஜ என்று தான் பெயர் குறிப்பிட்டதை சுட்டி காட்டினார்.

நம்ம கேபிள் சங்கர் , அழகாக பேசினார், ஜனரஞ்சகம் பேச்சில் வெளிப்பட்டது.முந்தைய காலத்தில் தான் உருவாக்கிய நாடகம்.காம், shortfilmindia.com தளங்கள் குறித்து பேசினார்.

2008ல் வலைதளத்தை ஆரம்பித்து , அதனின் தற்பொழுதைய வளர்ச்சி குறித்து பேசினார்.

எந்த பதிவுக்கும் ஒரு மார்க்கெட்டிங் தேவை என்றும், அது திரட்டி இருப்பதால் முடிகிறது, திரட்டிகள் அவசியம் தேவை எனவும், எழுத வந்ததை பின்னுட்டங்களுக்கு பயப்படாமல் தொடர்ந்து எழுத வேண்டும் எனவும், இந்த வலைக்கு வந்த பிறகு தான் எழுதிய புத்தகங்களை நினைவுகூர்ந்தார்.

முக்கிய விருந்தினர்கள் மணிவண்ணன், அமெரிக்காவின் கட்டற்ற சுதந்திரத்தை பற்றி வெகுவாக பேசினார். இந்தியாவில் அப்படி எல்லாம் வருமா என கேட்டால் வராது என்பதே என் பதில்.ஆமாம், கருப்பு கொடி காட்ட அங்கே அரசே இடம் ஒதுக்கி தருதாம். ம்ம்ம்...

பின்பு, நம் பதிவர்களின் குறியீடான டிஸ்கி, மீ த பர்ஸ்ட், கும்மி இதெல்லாம் என்ன என கேட்டு தெரிந்து கொண்டார்.

பாலா பிள்ளை, நாம் தமிழர்கள் முன்னேறி்விட்டோம் என்பதே தவறு எனவும் முன்னேறி்க்கொண்டிருக்கிறோம் என்பதை தான் சொல்லவேண்டும் எனவும், நம் குறிக்கோள்கள் மிக பெரிய பாய்ச்சலை கொண்டதாக இருக்க வேண்டும் எனவும் குறிப்பிட்டார்.

ஜீவா எழுத்துரு முருகன் அவர்கள் , தமிழுக்கென பொது எழுத்துரு வேண்டும் எனவும், தான் முந்தைய காலகட்டத்தில் தானே எழுத்துருவாக்கிய விதத்தை குறிப்பிட்டார்.

தமிழக அரசை பொது எழுத்துரு உருவாக்க் வேண்டும் என கேட்டுகொண்டார், அதற்கு, திரு.மணிவண்ணன், செம்மொழி மாநாட்டில் அதற்குரிய விரிவான வடிவத்தை அரசிடம் சமர்பித்தாக கூறினார்.

அஜயன் பாலா நன்றி கூற நிகழ்வு நிறைவாக நடைப்பெற்றது.

விழாவுக்கு வந்திருந்தவர்கள் எனக்கு தெரிந்த வரையில்...

ஓசைசெல்லா, அஜயன் பாலா, தாரா கணேசன்,தமிழ் பாலு, கதிர்வேல்--வழிபோக்கன்,

முருகன், லக்கிலுக், கேபிள் சங்கர், மணிஜி தண்டோரா,

லத்திப், K.R.P செந்தில், ஆசிப் மீரான், ஜாக்கி சேகர்,கூத்தலிங்கம் நட்பு.இன்,

உமாசக்தி, இயக்குனர் செல்வகுமார், கயல்விழி ,பத்ரி நாராயணன்.

அன்புடன்

காவேரி கணேஷ்

பதிவர் சந்திப்பு புகைப்படங்கள் 05/06/2010

2010-06-05T22:13:00.005+05:30

மெரினாவில் காந்தி சிலை

மிக நீண்ட நெடுநாட்களுக்கு பின் பதிவர் சந்திப்பு நடந்தது, மொத்தம் 35 பதிவர்கள் வந்திருந்தனர்.
மூத்த பதிவர் டோண்டு ராகவன் நோட்டு சகிதம் வந்திருந்த பதிவர்களின் வருகையை பதிவு செய்தார்.

அமெரிக்காவிலிருந்து இந்தியா வந்துள்ள பதிவர் சிறில் அலெக்ஸ் தம்மை அறிமுகப்படுத்தி கொண்டு, மற்ற பதிவர்கள் அறிமுகபடுத்திக்கொண்டனர்.

தற்பொழுதைய பெட்ரோல் விலையை மத்திய அரசு உயர்த்தும் எண்ணத்திற்கான விசயங்கள் பேசப்பட்டன.

பதிவர் சிறில் , அமெரிக்க பெட்ரோல் விலையை இந்தியாவின் விலையோடு ஒப்பிட்டு பேசினார்.

பாலபாரதியும், யுவகிருஷ்ணாவும் தமிழ்ச்செம்மொழி மாநாட்டிற்கான தன்னார்வலர்களை எதிர்னோக்குவதாக அறிவித்தனர்.

தமிழ்ச்செம்மொழி மாநாட்டில் இணைய பதிவர்களுக்கான அரங்கம் , தமிழக அரசால் வழங்கபடுகின்றது, அவ்வமயம் வரும் தமிழ் மக்களுக்கு இணையத்தில் தமிழ் தட்டச்சு செய்வது எப்படி, பதிவர் ஆவது எப்படி, பதிவு எழுதுவது எப்படி என்பதனை தெரிவிக்க தன்னார்வலர்களை நம்பதிவர்களிடம் கேட்கிறார்கள்.

விருப்பபடும் பதிவர்கள் பதிவர் பாலபாரதியையும் , லக்கி யுவகிருஷ்ணாவையும் தொடர்பு கொள்ளலாம்.

மேலும் வரும் தமிழ் ஆர்வலர்களில் இணைய வசதி இல்லாதவர்களிடம் , தமிழ் சாப்ட்வேர்கள் உள்ள குறுந்தட்டுகளை இலவசமாக வழங்க உள்ளார்கள். நம்பதிவர்கள் குறுந்தட்டுகளில் தமிழ் சாப்ட்வேர்களை பதிய செய்து இலவசமாக வழங்கலாம்.

நம்பதிவர் ஜாக்கி சேகர் , மூத்த பதிவர் மா.சிவகுமார் தம்மிடம் கொடுத்த தமிழ் எழுத்துக்கள் கொண்ட கீ.போர்டு ஸ்டிக்கர்களை வழங்குவதாக அறிவித்தார்..

கூட்டம் இனிமையாகவும் , அமைதியாகவும் நிறைவு பெற்று, தேனீர்கடை நோக்கி பயணித்தது.

இனி, புகைப்படங்கள்:

பதிவர்கள் டாக்டர் புரூனோ, ஜாக்கி, பலாபட்டறை ஷங்கர், தண்டோரா, ஜயா டி.வி.ராதாகிருஷ்ணன்,ரவிஷங்கர், அன்பு.

பதிவர்கல் விக்கி,சிறில் அலெக்ஸ்,டாக்டர் புரூனோ, ஜாக்கி

பதிவர்கள் கலந்துரையாடல்

இடமிருந்து , பதிவர் அன்பு,விக்கி, சிறில் அலெக்ஸ், புதிய பதிவர்கள்

புதிய பதிவர்கள் வருகை

சந்தோச வெள்ளத்தில் நம் பதிவர்கள்

பதிவர் ஜாக்கி சேகர், பலாபட்டறை ஷங்கர், சங்கர், ஜயா டி.வி.ராதாகிருஷ்ணன்

வெள்ளையுடையில் தண்டோரா

விரிவான கலந்துரையாடலில் பாலபாரதி, டாக்டர் புருனோ, அதிஷா, ரவிசங்கர்

கேபிளார்

இளம் பதிவர் சுகுமார்

மின்னொளியில் மெரினா

பதிவர்கள் சாம்ராஜ்ய பிரியன், அப்துல்லா

நடுவில் பலாபட்டறை சங்கர்

பதிவர்கள் சுகுமார், ஷ்ரி, ஜாக்கி சேகர்

ஜ்யோவரம் சுந்தர், டோண்டு ராகவன், லக்கிலுக்

தேனீர் கடையில் பதிவர்கள்

தல பாலபாரதி

பதிவர் அப்துல்லா சிங்கை பதிவர் ஜோசப் பால்ராஜுடன் தொலைபேசியில் பதிவர் சந்திப்பு குறித்து வர்ணனை

வேண்டாம் இனி பூமி வெப்பமயமாதல் : விடை கொடுக்கும் இன்போசிஸ் --

2010-04-05T08:42:00.003+05:30

இன்றைய தினமலர் நாளிதழில் வந்த கட்டுரை, இப்படிப்பட்ட முயற்சியை ஒவ்வொரு நிறுவனமும் எடுக்குமாயின் பசுமை இந்தியா, வெப்பம் குறைதல் சாத்தியமாகும்.
இந்திய பன்னாட்டு நிறுவனங்கள் இன்போசிஸ் முயற்சியை பின்பற்றுவார்களா?

இனி கட்டுரை:

பூமி வெப்பமயமாதலை குறைக்கும் உலகளாவிய முயற்சியில் தன் பங்காக பெங்களூரு இன்போசிஸ் சாப்ட்வேர் நிறுவனம் பல்வேறு புதிய முயற்சிகளை எடுத்து. மற்ற தொழில் நிறுவனங்களுக்கு முன்னுதாரணமாக திகழ்கிறது.

'உலகில் வளர்ந்து வரும் முன்னணி நிறுவனம், இந்தியாவிற்கு பெருமை சேர்க்கும் நிறுவனம்' என மற்ற நாடுகளால் மதிக்கப்படுவது, இன்போசிஸ் நிறுவனம். கம்ப்யூட்டர் சாப்ட்வேர்களை உருவாக்கி, உழைப்புக்கு உதாரணமாய் கூறப்படும் நிறுவனம், தற்போது நவீன தொழில்நுட்பங்களால் பூமி சூடாவதைக் கண்டு, அதைக் குறைக்க தன் பங்குக்கு ஏதாவது செய்ய வேண்டும் என யோசித்தது. அதில் உதயமானது தான், 'கிரீன் இனிஷியேட்டிவ்' என்ற 'பசுமை முனைப்பு' திட்டம்.

இத்திட்டத்தின் தலைவர் ரோஹன் பரேக், எக்ஸ்கியூட்டிவ் திகு ஆறுச்சாமி ஆகியோர் நமது நிருபரிடம் கூறியதாவது:வெப்பமயமாதலுக்கு எங்கள் அலுவலக கட்டடங்களில் உள்ள மின் சாதனங்களில் இருந்து வெளியேறும் வெப்பம், மாசு போன்றவையும் ஒரு காரணம் என நினைக்கிறோம். எங்களது பெங்களூரு அலுவலக கட்டடங்களில் மட்டும் 22 ஆயிரம் பேர் பணிபுரிகின்றனர். இவர்கள் பயன்படுத்தும் வாகனங்களில் இருந்து வெளியேறும் புகையும் ஒரு காரணம். எனவே, வெப்பமயமாதலை தடுக்க, ஒரு முன்னுதாரணத்தை ஏற்படுத்த வேண்டும்.எங்கள் நிறுவன தலைவராக நந்தன் நிகலேனி இருந்தபோது, 2008ல் இத்திட்டம் துவக்கப் பட் டது. மைசூருவில் உள்ள எங்கள் கட்டடங்கள் முற்றிலும் 'பசுமை கட்டடங்களாக' வடிவமைக்கப் பட்டது. இப்போது நாட்டின் எந்த பகுதியில் இன்போசிஸ் கட்டடம் உருவாக்கினாலும் அவை வெப்பமயமாதலை கட்டுப்படுத்தும் விதத்தில் அமைக்கப்படுகிறது.

மின் சேமிப்பு: மின்சாரத்தை சேமிக்க மின் விளக்குகளை 'எல்.இ.டி.,' விளக்குகளை மாற்றுகிறோம். இதனால், மின் சேமிப்பு அதிகரிக்கும். பகல் நேரங்களில் அதிக அளவு சூரிய வெளிச்சம் அறைகளுக்குள் நுழையும் விதமாக கட்டடம் கட்டப்படுகிறது. எனவே மின் விளக்கு தேவைப்படாது. போதிய வெளிச்சம் இருந்தால், இயல்பாகவே மின்விளக்கு எரியாத வகையில் தொழில்நுட்பத்தை அறிமுகப்படுத்துகிறோம். அதே போல, அறையில் ஆட்கள் இல்லாவிட்டால் தானாகவே அணையும் விளக்குகளை பொருத்துகிறோம்.

தண்ணீர்: வெப்பமயமாதலால் தண்ணீர் பற்றாகுறையும் ஏற்படுகிறது. இனிமேலும் தண்ணீரை வீணாக்க கூடாது. அனைத்து தண்ணீர் தேவையையும் மழை நீர் சேகரிப்பு மூலம் நிறைவேற்ற உள்ளோம். கழிவு நீரை சுத்திகரித்து, கழிப்பறை, தோட்டங்களுக்கு மீண்டும் பயன்படுத்துகிறோம். மைசூரு வளாகத்தில் மழை நீரை சேகரிக்க, மூன்று செயற்கை ஏரிகளை உருவாக்கி உள்ளோம். மொத்த தண்ணீர் தேவையில் 40 சதவீதத்தை இந்த ஏரிகள் நிறைவேற்றும். ஐதராபாத் வளாகத்தில் மொத்தம் 19 குளங்களை வெட்ட உள்ளோம். இவற்றில் நான்கு முடிந்துள்ளன. அந்த வளாகத்தில் மட்டும் 30 ஆயிரம் பேர் பணிபுரிவர். சென்ற ஆண்டு ஒரு நாள் பெய்த மழையிலேயே நான்கு குளங்களும் நிரம்பி விட்டன.

பசுமை மின்சாரம்: பசுமை மின்சாரம் என்பது, நிலக்கரி, அணுசக்தி போன்றவற்றை பயன்படுத்தி உற்பத்தி செய்யப்படாமல், மாசு ஏற்படுத்தாத நீர் மற்றும் காற்றாலை மின்சாரத்தை பயன்படுத்துவது. இதை நாங்கள் ஊக்கப்படுத்துகிறோம். அலுவலக வளாகத்திற்கு உள்ளேயே சிறு காற்றாலைகளை வைத்து, மின்சாரம் தயாரிக்கும் திட்டமும் பரிசீலனையில் உள்ளது. சக்தியை வீணாக்கும் கலாசாரத்தை மாற்ற வேண்டும். ஒரு சதவீத மக்களின் மனம் மாறினால் கூட பெரிய சேமிப்பு கிடைக்கும். சக்தியை சேமிப்பதில் நாங்கள் ஏராளமான ஆராய்ச்சிகள் செய்கிறோம். இதற்காக வெளிநாட்டு பல்கலைக்கழகங்கள், நிறுவனங்களுடன் பேசுகிறோம்.

கட்டடங்களில் வெப்பத்தை குறைக்க பல தொழில் நுட்பங்களை பயன்படுத்துகிறோம். குளிர்ச்சியை ஏற்படுத்துவது என்பதே, 'ஒரு பொருளில் உள்ள வெப்பத்தை வெளியே எடுப்பது தான்'. கட்டட சுவர்களுக்குள் ராக் உல், கிளாஸ் உல், ஸ்டைரோபோம் போன்ற பொருட்களை வைத்து கட்டினால், வெளி வெப்பம் உள்ளே வராது. அறையில் வெப்பம் குறைவாக இருந்தால், 'ஏசி' அதிகம் தேவைப்படாது.ரசாயன பூச்சு உள்ள கண்ணாடிகளை ஜன்னல்களில் பயன்படுத்தினால் சூடு உள்ளே வராது. புறஊதா மற்றும் அகச்சிவப்பு கதிர்களை இவை தடுத்து விடும். இதனால் வெளிச்சம் மட்டுமே அறைக்குள் ஊடுருவும்.

கட்டட சுவர்களில் நேரடியாக சூரிய கதிர்கள் படுவது போல் கட்டக் கூடாது. கட்டடத்தின் மேலே, பளபளப்பான பூச்சு பூசப்பட்ட தடுப்பு வைக்கிறோம். இதில் பட்டு தெறிக்கும் ஒளி, மேலே சென்று இன்னொரு தடுப்பின் மீது பட்டு, திரும்பும். இப்படியே ஒளியை திருப்பி, அறைகளுக்குள் அனுப்பலாம். இந்த ஒளியில் வெப்பத்திற்குப் பதில் வெளிச்சம் மட்டுமே இருக்கும். இப்படி எல்லாம் கட்டடங்கள் கட்ட ஆரம்பத்தில் சற்று செலவு அதிகமானாலும், பின் சில ஆண்டுகளில் மின்சேமிப்பால் அதிக பலன் கிடைக்கும்.

கம்ப்யூட்டர்கள்: கம்ப் யூட் டர்கள் வெப்பத்தை உமிழுவதை தடுக்க, 10 நிமிடங்களுக்கு தொடர்ந்து பயன்பாட்டில் இல்லாவிட்டால் கம்ப்யூட்டர்களின் மானிட்டர்கள் தானாகவே அணைந்து விடும் வகையில், அமைத்துள்ளோம். இதன் மூலமும் மின்சாரம் சேமிக்கப்படும். ஊழியர்களுக்குள் 'ஈகோ கிளப்' (சுற்றுச்சூழல் சங்கம்) ஏற்படுத்தி உள்ளோம். இவர்களின் துணையுடன் நாடு முழுவதும் சென்ற ஆண்டு மட்டும் 40 ஆயிரம் மரக்கன்றுகளை நட்டுள்ளோம். பறவைகளை ஈர்ப்பதற்காக எங்கள் வளாகங்களில் இப்போது உள்ளூர் மரக்கன்றுகளைத் தான் நடுகிறோம். மங்களூரு வளாகத்தில், அழிந்து வரும் தாவர இனங்களை காப்பாற்றி வளர்க்கிறோம். இவ்வாறு அவர்கள் கூறினர்.

பேட்டரி கார்: மாசுக் கட்டுப் பாடு சான்றிதழ் இல்லாத வாகனங்களை இவர்கள், வளாகத்தின் உள்ளே அனுமதிப்பதில்லை. வளாகத்தின் உள்ளே, வாகனங்களை தொழிலாளர்கள் பயன்படுத்த அனுமதி இல்லை. ஏராளமான சைக்கிள்கள் ஆங்காங்கே நிறுத்தப்பட்டுள்ளன. இவற்றை எடுத்துக்கொண்டு வளாகத்திற்கு உள்ளேயே சுற்றிவிட்டு, எங்கு வேண்டுமானாலும் நிறுத்தலாம். புகை மாசை கட்டுப்படுத்த இந்த ஏற்பாடு. கட்டடம் கட்டும் போது, ஏதாவது மரத்தை அகற்ற வேண்டி வந்தால், அதை வெட்டாமல், வேரோடு அகற்றி, வேறு இடத்தில் மீண்டும் நட்டு, உயிர் கொடுக்கின்றனர். இதனால் மரங்கள் வெட்டப்படுவது தடுக்கப்படுகிறது.இப்படி சுற்றுச்சூழலை எந்த வழியில் எல்லாம் பாதுகாக்கலாமோ, அத்தனை வழிகளையும் உலகின் முன்னணி நிறுவனமான இன்போசிஸ் செய்து வருகிறது.

புதிதாக கட்டடங்கள் கட்டும் தொழில் நிறுவனங்கள் இவர்களை பின்பற்றினால் சுற்றுச்சூழல் மாசுபடாது. குடிநீர், மின்சாரம் தட்டுப்பாடு ஏற்படாது. இதனால் நிறுவனங்களுக்கும் லாபம்; நாட்டின் எதிர்காலத் திற்கும் நல்லது. வெப்பமயமாதலுக்கு எதிரான இந்தியாவின் முயற்சிக்கு இன்போசீஸ் வழிகாட்டுகிறது. எல்லா தொழில் நிறுவனங்கள் மட்டுமல்லாமல் தனி மனிதர்களும் விழிப்புணர்வு பெற்றால், 'பசுமை இந்தியா' என்ற நமது கனவு நிறைவேறும்.

கேபிள், பரிசலின் புத்தக வெளியீடும், பதிவர் சந்திப்பும்--புகைப்படங்கள்-தொகுப்பும்

2010-02-15T09:32:00.043+05:30

வணக்கம். ஒரு பதிவரின் புத்தக விழாவில் 150 பேர் கலந்து கொண்டார்கள் என்றால் அந்த பதிவரின் மேல் கொண்ட பாசமும், நேசமும், நட்பும் வெளிப்பட்ட தருணம் தான் கேபிளாரின் புத்தக வெளியீட்டு விழா.

13/2/2010 மாலை கேபிளாரை பார்பதற்காக தொடர்பு கொண்ட பொழுது , discovery book palaceல் இருப்பதாக தெரிவித்தார். அங்கு சென்று பார்த்தால், அந்த புத்தக கடை உரிமையாளருக்கு blog என்றால் என்ன? , பதிவு போடுவது எப்படி ?, திரட்டியில் இணைப்பது எப்ப்டி என விளக்கி கொண்டிருந்தார். இது மாதிரி எனக்கு தெரிந்த வரை 100 பதிவர்களை உருவாக்கியுள்ளார் கேபிள். பின் ஏன் 100 பதிவர்கள் விழாவுக்கு வரமாட்டார்கள்?

விழா அரங்கமே நிறைந்து காணப்பட்டது.கேபிளாரின் குடும்பத்தினர், பரிசலின் குழந்தை, வெண்பூவின் குழந்தை யென குடும்ப விழாவாகவே களை கட்டியது.
பதிவர்களை ஒருவருக்கொருவர் ஏற்கனவே பார்த்தவர்கள், chat ல் பேசி, தொலைபேசியில் பேசி அன்றுதான் நேரில் கண்டவர்கள் என நெகிழ்ச்சியாக காணப்பட்டது.

பதிவர், நாகரத்னா பதிப்பகத்தின் உரிமையாளர் குகன் தொடக்கவுரையாற்ற, கேபிள் வாழ்த்துரை வழங்க,, கேபிள் மகன் தானும் பேச வேண்டும் என கேட்க, அவன் , ஓரே வாக்கியம் பேசினான். ” எங்கப்பா ஒரு காமெடி பீசு ” என சொல்ல மொத்த கைதட்டலில் அதிர்ந்தது அந்த அரங்கம். வீட்டிலும் கேபிள் எத்துனை நகைச்சுவையாளர் என்பது புலப்பட்டது.

லெமன் ட்ரீயும்.. ரெண்டு ஷாட் டக்கீலாவும், நூலை பிரமிட் நடராஜன் வெளியிட அஜயன் பாலா பெற்றுக் கொண்டார்.

பரிசலின் டைரிகுறிப்பும், காதல் மறுப்பும் நூலை அகநாழிகை வாசு வெளீயிட, பிரமிட் நடராஜனும், அஜயன் பாலாவும் பெற்று கொண்டார்கள்.

பிரமிட் நடராஜன், கேபிளின் தந்தைக்கு நெருங்கிய உறவு, தான் சென்னைக்கு வந்த பொழுது, அடைக்கலம் கொடுத்தது, உதவி செய்தது என நினைவுகூர்ந்தார்.நன்றி மறப்பது நன்றன்று.

பிரமிட் நடராஜன் கேபிளின் எழுத்துக்கள் 55 வயது நிரம்பிய எழுத்தாளரின் எழுத்துக்கள் போன்று இருக்கிறது என்றார். கேபிள் தன்னை இனிமேல் யூத்து என சொல்ல மாட்டார் என நினைக்கிறேன்.

தமிழ்ப்படம் இயக்குனர் c.s.அமுதன் , தன்னுடைய படம் வெற்றிக்கு பதிவர்கள் ஒரு காரணம் என நன்றி பாராட்டினார். மிகவும் நேர்த்தியாக விமர்சனம் பதிவர்களால் எழுதப்படுகிறது என தெரிவித்தார்.

அஜயன் பாலா மிக நீண்ட உரை நிகழ்த்தினார், கேபிளின் எழுத்துக்கள் சுஜாதாவை நினைவு படுத்துகின்றன என்றவுடன் கேபிளின் முகத்தில் களிப்பு தென்பட்டது, பின்னே கேபிள் சுஜாதாவின் தீவிர ரசிகர் ஆயிற்றே.

அகநாழிகை வாசுதேவன் , கேபிளையும் , பரிசலையும் பாராட்டி, முக்கியமாக பதிப்பாளர் குகனை வாழ்த்தினார்.

கேபிள் ஏற்புரையில் லே.அவுட் டிசைனருக்கும் (இந்த புத்தகத்திற்காக 20 டிசைன் செய்தார்), பதிவர் சுகுமாரின் flash வேலைகளுக்கும், தமிழ்ப்படம் வ்சனகர்த்தா சந்துருவுக்கும் . , நன்றி கூறினார்.

பரிசலின் ஏற்புரையில் பதிவர்கள் அனைவருக்கும் நன்றி கூறினார். தொடர்ந்து எழுதினால் நிச்சயம் நம் எழுத்துக்கள் அங்கீகரிக்கப்படும் என தெரிவித்தார்.

நிகழ்வுகளை பதிவர் சுரேகா அருமையாக தொகுத்து வழங்கினார், தராசு, உண்மைதமிழன்,கார்க்கி ஆகியோர் எழுத்தாளர்களை பாராட்டி பேசினர்.

கலந்து கொண்ட பதிவர்கள் எனக்கு தெரிந்த வரையில்.
ஜ்யோவ்ராம் சுந்தர், பைத்தியகாரன் சிவராமன், அப்துல்லா,நர்சிம், லக்கி லுக், அதிஷா, வெண்பூ, சொல்லரசன், கார்க்கி, உண்மை தமிழன் , பட்டர் பிளை சூர்யா, மயில் ராவணன், பலாப்பட்டறை சங்கர், அன்புடன் மணிகண்டன், ஆதிமூல கிருஷ்ணன், தண்டோரா, டோண்டு ராகவன்,ரோமியோ, பெஸ்கி, ஜெயம் கொண்டான், மார்த்தாண்டன், விநாயக முருகன், சஞ்செய் காந்தி, மோகன் குமார், டி.வி ராதாகிருஷ்ணன், அண்ணாச்சி வடகரை வேலன், ச்ர்புதீன், முரளிகுமார், பத்மநாபன்,வெங்கி, சுகுமார்,அத்திரி, அதி பிரதாபன், சங்கர், வெயிலான்,சுரேகா,ஈரவெங்காயம், ஜெட்லி, சிவகுமார், மற்றும் பலர்.

நிகழ்ச்சி ஆரம்பத்தில் தமிழ்தாய் வாழ்த்து, இறுதியில் தேசியகீதத்துடன் நிறைவு பெற்றது.

கேபிளின் குழ்ந்தைகள்
பதிவர்கள் உ.த, பலாபட்டறை சங்கர், ரோமியோ பாய்.
நர்சிம், கார்க்கி
பதிவர்கள் அறிமுகம் , வெள்ளி நிலா சர்புதீன்
அன்புடன் மணிகண்டன் அறிமுக உரை, பராம்பரிய உடையுடன் நர்சிம், ஆதிமூலகிருஷ்ணன், பரிசல்.
அமர்ந்திருக்கும் ஜ்யோவ்ராம் சுந்தர்
எழுத்தாளர் பரிசலுடன், வெண்பூ தன் மகனுடன்.
கோவை வடகரை வேலன், டி.வி.ராதாகிருஷ்ணன்.
மேடையில் வாசுதேவன், குகன், பிரமிட் நடராஜன், அஜயன்பாலா
வந்திருந்த மக்கள்.
கேபிளின் புத்தகத்தை பிரமிட் நடராஜன் வெளியீடுகிறார்.
நின்றாவாறே பரிசல், பரிசலின் பெண் புகைப்படங்களை எடுத்து தள்ளுகிறாள்.
பரிசலின் டைரிகுறிப்பும், காதல் மறுப்பும் நூலை அகநாழிகை வாசு வெளீயிட, பிரமிட் நடராஜனும், அஜயன் பாலாவும் பெற்று கொண்டார்கள்
கேபிளாரின் ஏற்புரை.
பிரமிட் நடராஜனின் வாழ்த்துரை.
ப்ளாஷ் வெள்ளத்தில் விழா
தொகுப்பாளர், பதிவர் சுரேகா, சிவப்பு சட்டையில் தமிழ்ப்படம் இயக்குனர் c.sஅமுதன்.
இயக்குனர் அமுதனுக்கு வடகரை வேலன் பொன்னாடை அணிவித்தார்.
c.s அமுதனின் வாழ்த்துரை
அண்ணன் தண்டோரா அஜயன் பாலாவுக்கு பொன்னாடை போர்த்தி, வாழ்த்து தெரிவித்தார்.
மூத்த பதிவர் டோண்டு ராகவன்.
நின்றவாறே மஞ்சள் உடையில் சிவராமன்.

நர்சிமின் அய்யனார் கம்மா வெளியிட்ட பொன், வாசுதேவனுக்கு நர்சிம் பொன்னாடை அணிவிக்கிறார்.
பொன்.வாசுதேவனின் வாழ்த்துரை.
திருப்பூர் பதிவர்கள் பரிசலுக்கு நினைவுபரிசு வழங்குகின்றனர்.
கேபிளாருக்கு சூர்யாவின் அழகும், வண்ணமும் கொண்ட வாழ்த்து மடல்
பரிசலுக்கு சுகுமாரின் அழகும், வண்ணமும் கொண்ட வாழ்த்து மடல்.
பரிசலின் ஏற்புரை.

தமிழ்ப்படம் வ்சனகர்த்தா, பாடலாசிரியர், பதிவர் சந்துரு
புதுகை அப்துல்லாவின் வாழ்த்துரை
அண்ணன் தராசுவின் வாழ்த்துரை
தம்பி கார்க்கியின் வாழ்த்துரை
உண்மை தமிழன் வாழ்த்துரை.

சுகுமார், பட்டர் பிளை சூர்யா அளித்த வாழ்த்து மடல்.

நிகழ்வு பற்றிய சக பதிவர்களின் பதிவுகள்.

http://tvrk.blogspot.com/2010/02/blog-post_14.html

http://veeduthirumbal.blogspot.com/

அன்புடன்

காவேரி கணேஷ்.

மருத்துவர் ஷாலினி மதுரை கருத்தரங்கம்-தொகுப்பு--புகைப்படங்கள்

2010-02-02T23:03:00.032+05:30

ஜனவரி 31, 2010, மாதத்தின் இறுதி நாளில் மதுரையில் ஒரு நல்ல நிகழ்வை நடத்திக்காட்டியிருக்கிறார்கள் மதுரை பதிவர்கள். மனவியாளர் மருத்துவர் ஷாலினியின் பங்கேற்பில் ஒரு மகத்தான சிந்தனைகளை தூண்டும்விதமாக அமைந்திருந்தது இந்த சந்திப்பு. நண்பர் கார்த்திகை பாண்டியன், ஜயா தருமி, ஜயா சீனா அவர்களின் அழைப்பின் பேரில் மதுரை சந்திப்புக்கு சென்றிருந்தேன்.

பதிவர்கள் ஜயா சீனா, தருமி , ஜெர்ரி ஈசானந்தா, கார்த்திகை பாண்டியன், ஸ்ரீ, சரவணன், பிரபு, வெற்றி, தேவன் மாயம், வெளியூர் பதிவர்கள் வால் பையன், ஜாபர், காவேரி கணேஷ், பெண் பதிவர் தேவி கலந்து கொண்டனர்.

இந்த நிகழ்வை மதுரையில் நடத்த வேண்டும் என எண்ணம் கொண்டு ஜெர்மனி குமார் என்ற பதிவர் மருத்துவரை ஜெர்மனியிலிருந்து தொடர்பு கொண்டு, மருத்துவரை வரவழைத்து, நிகழ்வு முடிந்த பின்பு , கார்த்திகை பாண்டியன், தருமி அவர்களிடம் ஜெர்மனியிலிருந்து 1 மணினேரம் உரையாடி, நிகழ்வு குறித்து கேட்டறிந்தார். அவரின் முயற்சி பாராட்டதக்கது.

மதுரை அமெரிக்கன் கல்லுரி 150 வருட பாரம்பரியங்களை கொண்ட கல்லுரி, பல்வேறு கல்வியாளர்களையும்,அறிஞர்களையும், கலைஞர்களையும் உருவாக்கிய கல்லூரி. நம்முடைய பதிவர்களில் பிரபல சென்னை பதிவர்கூட இந்த கல்லுரியில் படித்தவர்.

விஸ்தாரமான , நூற்றுக்கணக்கான மரங்களை இயற்கை சூழலுடன் கொண்ட இக்கல்லுரியில் படிப்பது மதுரை, சுற்றுவட்டார மாணவர்களின் கனவு. இக்கல்லுரியில் குழந்தைகள் மன நலம், குழந்தைகள் பேணிகாப்பு,குழந்தைகள் வாழும் தற்கால சமூக சூழல் பற்றிய கருத்தரங்கம் மிகவும் சிறப்பாக தொடங்கபெற்றது.

இங்கே மருத்துவர் ஷாலினியைப்பற்றி :

காலை பொதிகை எக்ஸ்பிரஸ் ரயிலில் மதுரை வந்திறங்கியவரை, வரவேற்க வேண்டிய நம்பதிவர்கள் பக்கத்து கம்பார்ட்மெண்டில் தேடி கொண்டிருந்தனர். மருத்துவர் ஷாலினியோ யாரையும் எதிர்பார்காமல் விடுவிடுவென இறங்கி , ரயில்னிலையத்தை விட்டு நடந்து கொண்டிருந்தார்..பின்பு பதிவர்கள் கண்டறிந்து, அவருக்கு தேவையான வசதிகள் செய்துகொடுத்தனர்.

மாலை 3.30 மணியளவில் அரங்கில் 100 பேர் கூடியிருக்க ,நம் மூத்த பதிவர் சீனா அறிமுக உரையாற்ற , நண்பர் கார்த்திகை பாண்டியன் வரவேற்புரையாற்ற , மருத்துவர் ஷாலினி மேடையேறாமல், வந்திருந்த மக்களோடு இணைந்து, ஒரு கேள்வி பதில் பகுதியாக சுமார் 3 மணி நேரம் பேசினார். மிகவும் எளிமை, கலந்து கொண்டவர்களின் அருகே சென்று நட்புடன் பேசியது, எல்லா கேள்விகளுக்கும் இன்முகத்துடன் பதில், மக்களிடையே இருக்கும் தயக்கங்களை உடைத்தெறிந்து, ஆழ்மனத்தில் இருக்கும் எல்லா கேள்விகளுக்கும் மிகவும் விளக்கமாக பதிலளித்தார் .

இன்றைய வளர்ந்து வரும் பன்னாட்டு நாகரீக சூழலில் ஒவ்வாரு பெண், ஆண் குழந்தைகள் பல்வேறு வயதினரிடையே பழக வேண்டியுள்ளது. அதில் ஏறப்டும் சங்கடங்கள், வக்கிரகாரர்களின் தொடுகைகள், அந்த தொடுகைகளின் மூலம் வித்தியாசம் அறிந்து கொள்வது என்பன போன்ற குழந்தைகள் நலம் பற்றிய உரையை சுமார் 45 நிமிடம் நிகழ்த்தினார். இதிலும் முக்கியமாக ஆண்களின் வயது 25 க்குள், 65 க்கு மேல் உள்ளவர்களின் உணர்வுகளின் உந்துதல் வடிகால்கள் குழந்தைகளிடத்திலோ, பெண்களிடத்திலோ செல்வதை சரி செய்யப்படவேண்டும் என தெரிவித்தார்.

முக்கியமாக பெண்கள் அச்சம், மடம், நாணம் , பயிர்ப்பு போன்றவற்றை தங்கள் வீட்டில் வைத்துக்கொள்ளுங்கள் என்றும் , வெளிசூழலில் திமிர்தல் கொள்கையை கடைபிடிக்குமாறு கேட்டுக்கொண்டார். பெண்கள் வெளியில் தைரியமாக இருக்க வேண்டும்மென்றும், எந்த சூழலிலும் ஆண்கள் தவறாக முயற்சி செய்தால் , ஆரம்பத்திலயே தட்டி கேட்டுவிட்டால் நெருங்க மாட்டார்கள் என்றும், எந்த பெண் தங்கள் மேல் காட்டப்படும் வக்கிரங்களை தட்டிகேட்காமல், அமைதியாக இருப்பவர்கள் திரும்ப, திரும்ப பல்வேறு சங்கடங்களுக்கு ஆளாகின்றனர் என்பதை தெரிவித்தார்.

45 நிமிட உரைக்குபின், 10 நிமிட தேனீர் இடைவேளை, பின்பு கேள்வி-பதில் பகுதி மக்கள் எழுதிக்கொடுத்த கேள்விகளை தொகுத்து, மருத்துவரிடம் கேட்கும் பொறுப்பு எனக்கு கொடுக்கப்பட்டது.

ஒவ்வொரு கேள்விக்கும் அழகாக, பல உதாரணங்களுடன் விளக்கமளித்தார். பின்பு நம் பதிவர்கள், மகளிருக்கான பிரத்யேக சந்தேகங்களை தீர்க்க எல்லா ஆடவரையும் அறையை விட்டு வெளியே வரசொல்லி , மருத்துவர்-மகளிர் உரையாடல் தொடங்கியது.

தருமி ஜயா நன்றியுரையாற்ற, வெளியூர் பதிவர்கள் வால் பையன், மருத்துவர் தேவன் மாயம் நினைவு பரிசு வழங்க நிகழ்வு நிறைவுபெற்றது. அதன் பின்னும் மருத்துவர் ஷாலினி 4 பெண்களுக்கு அவர்களின் சோகங்களுக்கு கவுன்சலிங் கொடுத்து கொண்டிருந்தார்.

இரவு மணி 7.15 , மருத்துவருக்கு இரவு 8.45 மணிக்கு பாண்டியன் எக்ஸ்பிரஸில் டிக்கெட், அப்ப்டியும் தருமி ஜயாவிடம் , மதுரை கிருத்தவ மிஷின் மருத்தவமனையில் தனக்காக ஒரு நோயாளி காத்துக்கொண்டிருக்கிறார் என்று தெரிவிக்க , ஜயா தருமி தன்னுடைய காரில் ஏற்றி கொண்டு புறப்படுகிறார்.

இதோ வால்பையன் , மார்ச் மாதம் ஈரோட்டிற்கு, கருத்தரங்குக்கு வரவேண்டுமென மருத்துவர் ஷாலினியிடம் கேட்கிறார், அவரும் அடுத்த் நொடியே சரி என்கிறார்.

சென்னை மருத்துவர்கள் பணம் என்ற விசயத்துக்கு பின்னால் ஒடிகொண்டிருக்கையில் , சேவை மனநலம் கொண்ட மருத்துவர்கள் நம்கண்ணில் பட்டிருப்பது ஆச்சரியம் தான்.

இனி புகைப்படங்கள்:

மேடையில் வால் பையன், கீழே ஜயா தருமி

வந்திருந்த மகளிர்
மருத்துவர் ஷாலினி
அந்தி சாயும் வேளையில் , கார்த்திகை பாண்டியன் , தருமி, சீனா, ஈரோடு ஜாபர்
கார்த்திகை பாண்டியன் நிகழ்வு உரை
தொடர்ந்து 3 மணி நேரம் நின்றவாறே மருத்துவர் ஷாலினியின் உரை

முழுமையான அரங்கம்.
தேனீர் இடைவேளை ஷாலினி, ஈரோடு ஜாபர், தருமி, ஸ்ரீ

வெள்ளை சட்டையில் ஜெர்ரி ஈசானந்தா, மருத்துவர் தேவன் மாயம்.
ஈரோட்டு பதிவர்கள் வால் பையன், ஜாபர்.
அவசரகதியில் வெயிலான்.
இளம் பதிவர் வெற்றி, ஜயா சீனா
நீல நிற உடை-- பதிவர் சரவணன் விழுதுகள்.காம்.

பதிவர் சந்திப்பும், புத்தகக் கண்காட்சியும் EXCLUSIVE புகைப்படங்கள் --PART 2

2010-01-11T15:45:00.031+05:30

சந்தோசங்கள் என்றுமே சலிப்பதில்லை, அதே போல தான் பதிவர் சந்திப்பும். கேபிளார் பதிவர் சந்திப்பு குறித்தும், அவ்வமயம் பதிவர் சர்புதீன் வெள்ளி நிலா என்ற மாத இதழ் வெளியீடு குறித்தும் ஒரு சந்திப்புக்கு இந்த 2010 புத்தகக் கண்காட்சியில் ஏற்பாடு செய்திருந்தார்.

இது நான்காவது முறை, இந்த 2010 புத்தகக் கண்காட்சிக்கு செல்ல இருப்பது, சென்னை போக்குவரத்து நெரிசலில் சுமார் 1 மணி நேரம் வண்டி ஓட்டி 12 km கடந்து முதுகுவலியுடன் கண்காட்சியில் நுழைந்து, பதிவர்களை கண்டவுடன் வலி போய், மனமெல்லாம் சந்தோசம் நிறைந்தது.ஏறதாழ 35 பதிவர்கள் வந்திருந்தனர்.

பட்டர்பிளை சூர்யா,கேபிள் சங்கர்,ரோமியோ பாய்,ராஜகோபால் (எறும்பு),சர்புதீன்,பலா பட்டறை, பொன்.வாசுதேவன், சிவராமன், ஜாக்கி சேகர்,கார்க்கி, குகன், கென், நர்சிம், செந்தில், விஷ்ணு,, நிசார் அகமது, சங்கர், லக்கி யுவகிருஷ்ணா, அதிஷா, மயில் ராவணன், வா.மணிகண்டன், வாசகர் திருமுருகன், , அன்புடன் மணிகண்டன், புலவன் புலிகேசி, ஜெட்லி, மீன் துளியான், D.R. அசோக், அப்துல்லா, அவிங்க ராஜா, அ.மு.செய்யது, தண்டோரா மணிஜி, நிலா ரசிகன், செல்வகுமார் பதிவர்கள் கணிசமான எண்ணிக்கையில் வந்திருந்தனர்.

பதிவர்கள் அனைவருக்கும் முக்கியமான லேண்ட் மார்க்காக கிழக்கு பதிப்பகமே அமைந்திருந்தது.கிழக்கை ஒட்டிய பாதையே பதிவர்கள் சந்திக்கும் கூடமாக இருந்தது.

சர்புதீன் தன் மாத இதழான வெள்ளி நிலா குறித்தும், முழுக்கவே இந்த இதழ் பதிவர்களுக்காக வர இருப்பது குறித்தும் பேசினார். பதிவர்கள் தாங்கள் வாங்கிய புத்தகங்கள் குறித்தும், அதன் சிறப்புகளை குறித்தும் பேசினர்.

நான் வாங்கிய புத்தகங்கள்:

தேசாந்திரி-- s.ராமகிருஷ்ணன்,
பூவுலகு---சுற்றுபுறச்சூழல் இதழ்
சேலன்ஞ்--- நக்கீரன் கோபால்
புத்தர், தருமமும், சங்கமும்
இன்னொரு கோணம் -- ஜக்கி வாசுதேவ்

ஜெயமோகன் -- இந்திய ஞானம்

தந்தை பெரியார்--- இனிவரும் உலகம்,, மனிதனும், மதமும்,,, இதுதான் மகாமகம்,, பேய், பில்லி, சூன்யம், ஆவி, சோதிட மோசடிகள்

கூட்டத்திலிருந்து வரும் குரல்-- ஜென்ராம்

ப்ளீஸ் இந்த புத்தகத்தை வாங்காதீங்க--- கோபி நாத்
சிந்தனை விருந்து--- தென்கச்சி கோ.சுவாமினாதன்

இனி புகைப்படங்கள்:

கிழக்கின் பாதையை அடைத்து, பதிவர்கள் சந்திப்பு. நர்சிம், வா.மணிகண்டன், சர்புதீன்,ராஜகோபால் (எறும்பு),கேபிள் சங்கர், குகன், பலாபட்டறை சங்கர், அடலேறு, நிலா ரசிகன்.

நடுவில் ஜாக்கி சேகர்.

நான், கலை இயக்குனர் செல்வகுமார்

புத்தகக் கண்காட்சிக்கு நண்பர் கலை இயக்குனர் செல்வகுமார் வந்திருந்தார், இந்த 34 வயதே நிரம்பிய ஆர்ட் டைரக்டர் , இயற்கை, ஈ, தற்பொழுது வெளிவந்த பேராண்மை படங்களின் கலை இயக்குனர். அவரை பதிவர்கள் மத்தியில் அறிமுகப்படுத்தினேன். பதிவர்கள் அனைவரும் நண்பர் செல்வகுமாரை வாழ்த்தினர். ஜாக்கி சேகர், அவரை வெகுவாக பாராட்டி, பேராண்மை படத்தின் செட் காட்சிகளான் பழங்குடியினரின் வாழ்விடங்களை சிலாகித்து பேசினார்.
செல்வகுமாருக்கு கேபிளாரை அறிமுகப்படுத்தினேன். செல்வகுமார் வலையுலகம் பற்றி கேட்டு அறிந்து, கேபிள் சங்கரின் வலைபூ முகவரியை கேட்டு பெற்று கொண்டார். செல்வகுமாருக்கு வருங்கால வாழ்த்துக்களை சொல்ல விடைபெற்றார்.
வெள்ளி நிலாவை மும்முரமாக படிக்கும் கார்க்கி, பலா பட்டறை சங்கர், தண்டோரா, சர்புதீன்
ரோமியோ பாய்,, ஜாக்கி சேகர்.
அரங்கு நிறைந்த கூட்டம்.
ஜாக்கி சேகர், பட்டர் பிளை சூர்யா, கேபிள், கென், சிவராமன், ராஜகோபால் (எறும்பு), பலா பட்டறை சங்கர், சர்புதீன்
லக்கிலுக் யுவகிருஷ்ணா, அதிஷா
கிழக்கையே வெளுக்க வைக்கும் வாசகர் கூட்டம்.
நர்சிமும் , கார்கியும் பதிவர் அய்யனாரின் உரையாடலினி புத்தகம் வாங்கிய மகிழ்ச்சியில்.
பட்டறையை போட்ட பதிவர்கள்

பதிவர் குகனின் ” என்னை எழுதிய தேவதைக்கு” பதிவர் காவேரி கணேஷ் பரிசளிக்க தண்டோரா பெற்று கொள்ள, தண்டோரா நம் பதிவர் பா.ராஜாராம் எழுதிய ”கருவேல நிழல் “ எனக்கு பரிசளித்தார்.

இரவின் இறுதியில் வந்த பதிவர் அப்துல்லா

பதிவர்கள் அனைவரும் எடுத்துக்கொண்ட குழு புகைப்படம், பலா பட்டறை சங்கர், D.R. அசோக், அப்துல்லா, செந்தில்,ஜாக்கி, சூர்யா, கேபிள், மயில் ராவணன், புலவன் புலிகேசி, சங்கர், ராஜகோபால், தண்டோரா, மணிகண்டன்

என்னின் காதலிக்கு........... (உரையாடல் கவிதை போட்டிக்கான கவிதை)

2010-01-04T17:51:00.002+05:30

அடியே !
என் கிறுக்கல் ராஜாங்கத்தில்
நீ தானடி எப்பொழுதும் தலைவி.

நான் நிலவை பார்க்க நினைக்கும் பொழுதெல்லாம்
உன் வீட்டு ஜன்னலை தானடி பார்க்கிறேன்.

உன்னை பற்றி எழுதும் பொழுதெல்லாம்
என் பேனா முனை நிமிர்ந்து தானடி எழுதுகிறது.

என் வாழ்க்கை இலையுதிர் காலமாக
இருந்த பொழுது
நீயல்லவாடி வசந்தத்தை வரவழைத்தாய்.

பட்டமரமாய் பரிதவித்து கொண்டிருக்கையில்
நம்பிக்கை பூக்களை பூக்க விட்டவளே.

நான் நெருஞ்சியாய் இருந்த பொழுது
என்னை குறிஞ்சியாய் ஆக்கினவளே.

இந்த சிக்காத காளையை
அந்த சின்ன விழிக்குள் எப்படியடி
சிறை பிடித்தாய்.

சூன்யங்களோடு இருக்கையில்
சூரியனோடு சுகப்படுத்தினியடி.

நட்சத்திரமாக வாழ நினைத்த பொழுது
நிலவாய் ஆக்கியவளே.

எப்படியடி உன் முன்னால் மட்டும்
இரும்பு துண்டாய் போனேன்.
அந்த சின்ன விழிக்குள் காந்தமாடி?

உன் இமைகளின் அழைப்பினால் தானடி
நான் கூட காதல் கடலில் சங்கமித்தேன்.

என் ஹீமோகுளோபின்கள் எல்லாம் கருகியதால்
உன் குளோபின்கள் தானடி
என் இரத்தத்தில் கலந்துள்ளது.
மருத்துவன் பார்த்தவுடன் கேட்டானே!
யாரை காதலிக்கீறீங்க என்று?

அந்த வெள்ளிதிரைக்கு முன்னால்
எத்தனையோ சில்மிஷங்கள்.
ச்சீய்ய் போங்க! என்பாயேடி.
இப்பொழுது உணர்கிறேன்.
உன் மனதை விட்டு போவதற்காடி
அப்படி சொன்னாய்.

இன்றும் கூட நீ எனக்கு தொட்டுவிடும் தூரம் தான்.
அது யாரடி உன் பக்கத்தில் கைகுழந்தையோடு !
உன் கணவனா?

உன்னிடமிருந்து
அந்நியபடுத்தப்பட்ட இந்த ஆத்மாவின்
இதய ஒலியை உற்று கேளடி.
இன்னும் கூட உன் பெயரை தானடி
உச்சரிக்கிறது.

குறிப்பு: உரையாடல் கவிதை போட்டிக்காக

சென்னை புத்தகக் கண்காட்சி --EXCLUSIVE புகைப்படங்கள்

2010-01-03T12:18:00.000+05:30

புத்தகக் கண்காட்சியின் முகப்பு வாயில்
பதிவர் உழவன், கேபிள் சங்கர் ( சங்கர் 2 புத்தகம் எழுதுகிறார்)
உயிர்மையில் வாசகர்கள்
அகநாழிகை பதிப்பகம் பொன்.வாசுதேவன்
எழுத்தாளர் S.ராமகிருஷ்ணன், கேபிள் சங்கர்
இந்த வருடம் புத்தகக்கண்காட்சி 500 அரங்குகளுடன் களை கட்டுகிறது. பல பதிவர்களின் கன்னி புத்தகங்கள் வெளியாகியுள்ளன. வாகனங்கள் நிறுத்துவதற்கு விசாலாமான இடங்கள். புத்தகங்களின் அணிவகுப்பு மலையென் குவிந்து கிடக்கிறது. சிறியவர் முதல் பெரியவர்களுக்கான புத்தகங்கள் கொட்டி கிடக்கிறது. மொத்த குடும்பத்திற்கேற்றார் போல் அவரவர் விருப்பதிற்கேற்ப விட்டுவிட்டால் கணிசமான நல்ல புத்தகங்கள் உங்கள் குடும்பத்தினர் கையில்.

கண்ணாடி அணிந்திருப்பவர் “ பைத்தியகாரன்” சிவராமன். பதிவர் சுரேஷ் கண்ணன் (வெள்ளை சட்டையில்)
பத்திரிக்கையாளர், எழுத்தாளர் அஜயன் பாலா.
இடமிருந்து வலமாக அய்யனார் கம்மா நர்சிம், வத்தலக்குண்டு காசி, வசனகர்த்தா, எழுத்தாளர் பாஸ்கர் சக்தி
கூட்டம் கூடியிருக்கும் பதிவர்கள் இடம் to வலம் பதிவர் அதியமான், மருத்துவர் புருனோ, நம்ம ஹீரோ நர்சிம், எழுத்தாளர் , கிழக்கின் எழுச்சி பா.ராகவன், பின்னால் பதிவர் அன்பு, பதிவர் ரவிஷங்கர்.
கிழக்கு பதிப்பகம் அரங்கு
நக்கீரன் கோபாலுடன் பதிவர் காவேரி கணேஷ் ( அட நாந்தாங்க)
தோளோடு தோள் சாய்ந்த பதிவர் ரவிசங்கர், நர்சிம்
அனலாய் பா.ராகவன், புதிய தலைமுறை யுவகிருஷ்ணா
எழுத்தாளர் ”ரஜினி” ராம்கி
அரங்கினுள் வாசகர்கள்
இங்கேயும் விட்டேனா பார், மினி பதிவர் சந்திப்பு
அணி வகுத்த கார்கள் எண்ணிக்கை ஆயிரம் தாண்டும்

வலையுலகப்படைப்பாளிகள்-- தினமணி கட்டுரை

2010-01-01T11:59:00.000+05:30

இன்று புத்தாண்டு, வலைபதிவர்களுக்கு நல்ல சந்தோசம் தரக்கூடிய காலை செய்தியாக இன்றைய தினமணி நாளிதழில் நம் வலைபதிவர்களை பற்றியும்,அவர்களின் வலை பூக்களைப்பற்றியும் சிறப்பான கட்டுரை வந்துள்ளது.
அதன் தொகுப்பு:

கிராமத்து நினைவலைகள்---புகைப்படங்கள்

2009-12-29T19:51:00.000+05:30

சூரியனை காதலித்த “ சூரியகாந்தி’’
கிராமத்தில் எங்களின் வீடு
அந்தி சாயும் வேளையில் கம்மா--ஓ அய்யனார் கம்மாவாக இருக்குமோ ?
ஆவாரம் பூவூ-- ஆறேழு நாளா நீ போகும் பாதையில் பூத்திருக்கு.
தான் என்ன செய்கிறோம் என்றே தெரியாத வாழ்க்கை வாழும் மனநலம் பாதித்த சிறுவன்.
கிராமத்து “ பசங்க”

பாரம் சுமந்த காளை பணி முடித்து பட்டியில் கட்ட போறான் எங்க ஊர் ராஜா--கேட்டரிங் மாணவன்.
மாடுவும், கன்றும் மாலை வேளையில் பசியாறும் காட்சி.
கோழியின் பின்னே சேவல்கள் --புணர்ச்சியின் காலமோ
அறுவடை முடிந்தபின் எஞ்சியுள்ள வைக்கோல் படப்பு, கால்நடைக்கு வருடத்தின் வாழ்வாதாரம்.
சோளம் விதக்கையிலேலேலேலே..............இளையராசாவின் குரல் காற்றில் ஒலிக்கிறது.
பட்டணத்து அவசர கதியில் மறந்தே போன கள்ளி செடி

இவ்வருட கருணை காட்டாத வருண பகவானால் அடி மட்டத்தில் கிணற்று நீர்

மாடு கன்ணு மேய்க்க, மேய்கறத பாக்க
வளர்ந்த நெற்பயிரினருகே வீசும் காற்றை , சுவாசிக்க ,பட்டணத்து கார்பன் காற்று வெளியேறியது.

பயங்கள்--ஹைக்கூ

2009-12-16T11:37:00.000+05:30

என் இருக்கையை
யாரேனும் கேட்டுவிடுவார்களோ
என்ற பயம்.

ரயிலில்
லோயர் பெர்த்.

சாரு நிவேதிதாவின் 10 நூல்களின் வெளியீட்டின் தொகுப்பும்,புகைப்படங்களும்

2009-12-13T13:50:00.000+05:30

L வரிசையில் முதலாவது இருக்கையில் அயல்நாட்டு பதிவர் துளசி கோபால் அவர்கள்
புத்தகம் வெளியிட்ட சா.கந்தசாமியுடன், 10 புத்தகங்களை பெற்று கொண்டவர்கள்,விழா நாயகன் சாரு
விழா மேடையில் நிகழ்ச்சி தொகுப்பாளர் நிர்மலா பெரியசாமி.

விழாவின் தொகுப்பு:

சாருவை இதற்கு முன்னர் நான் பார்த்திரவில்லை. வெள்ளியன்று நடந்த அகநாழிகை புத்தக வெளியீட்டில் என்னை அறிமுகப்படுத்தி கொண்டு, 1/2 மணி நேரம் பல விசயங்களை விவாதித்தோம், குறிப்பாக புத்தகம் எழுதும் பழக்கம்,வாசிக்கும் பழக்கம் நம் குடும்பத்தினரிடையே எப்படி எடுத்துக்கொள்ளபடுகிறது என்பது விவாதிக்கபட்டது.
மிக எளிமையான, பந்தா இல்லாத எழுத்தாளராக k.k நகர் சாலையில் பேச்சு நீண்டது.அவரின் 10 நூல்களின் வெளியீட்டு விழா அழைப்பிதழை தந்து வரும் படி அழைத்தார்.

10 நூல்களை எழுதுவது என்பது சாதாரணமான விசயமல்ல,அதோடு இந்த வருடம் மொத்தம் 90 நூல்களை வெளியிடும் உயிர்மை பதிப்பகம் பாராட்டதக்கது.

மனுஷ்ய புத்திரன் வரவேற்புரையாற்ற ,முதுபெரும் எழுத்தாளர் சா.கந்தசாமி சாருவின் 10 புத்தகங்களையும் வெளியிட,சிறப்புரையாற்ற வந்தவர்கள் பெற்று கொண்டனர்.(விவரங்கள் புகைப்படங்கள் வாயிலாக).

எழுத்தாளர் s.ராமகிருஷ்ணன், சாருவின் ” மலாவி என்றொரு தேசம் ” என்ற புத்தகத்தை பெற்றுக்கொண்டு, மலாவி என்ற தேசத்திற்கு போகாமல் இங்கிருந்த்படியே அந்த தேசத்தை விவரிக்கும் பாங்கு அதிசயக்கிறது என்றார்.

இயக்குனர் மிஷ்கின் ,நல்ல வாசிப்பு திறன் கொண்ட இயக்குனர் என்பது அவரது பேச்சில் தெரிந்தது. சரளமான நடை, சாரு மேல் கொண்ட மதிப்பு, அவரின் நந்தலாலா படம் வராமல் இருப்பதற்கான தவிப்பு , மேடையின் கீழ் உள்ள வாசகர்களை அறிவு ஜீவிகள் என்பதை சொல்லி, பல திரைப்பட துறையின் உண்மைகளை வெளிப்படுத்தினார்.

இயக்குனர் வசந்தபாலன் ,அமீரை பருத்தி வீரனில் கொண்டாடிய சாரு, தன்னை ஏற்கவில்லை என்ற ஏக்கத்தை வெளிபடுத்தினார்.

கல்கி அவர்கள் திருனங்கைகளின் இன்றைய அவலங்களை சொல்லி, அவர்களுக்கான ஆதரவையும், அங்கீகாரத்தையும் அளிக்கும்படி கேட்டுக்கொண்டார்.

திரு. பாரதி கிருஷ்ணகுமார் பேச்சில் அனல் தெறித்தது. இன்றைய அரசியல் வாதிகளை நம் தலைக்குமேல் சுற்றும் பிணம் தின்னும் கழுகுகளாகவும் , அதை நம் தலை மேல் கூடுகட்ட அனுமதிக்ககூடாது என்று பேச்சை முடித்தார்.

திரு.அழகிய பெரியவனின் பேச்சு தலித் இன மக்களின் அவலநிலைகளையும், அவர்கள் மேல் மேற்கொள்ளபடும் அடக்குமுறைகளையும் சுட்டிக்காட்டினார்.

திரு.ஷாஜி அவர்கள் மொழிபெயர்பின் அவசியத்தையும், சாருவின் தைரியத்தையும் பாராட்டினார்.

பதிவர்கள் துளசி கோபால், உண்மை தமிழன், சிவராமன், லக்கி லுக் , அதிஷா, பட்டர்பிளை சூர்யா, தண்டோரா, நர்சிம், கேபிள் சங்கர், வெண்பூ, முரளி கண்ணன், காவேரி கணேஷ், அப்துல்லா, டாக்டர்.புரூனோ,,D.R.அசோக், உமா ஷக்தி ,ரோமியோ பாய் மற்றும் பல எனக்கு அறிமுகம் இல்லாத பதிவர்கள் வந்தனர்.

நிகழ்ச்சி நிரல்களை திருமதி.நிர்மலா பெரியசாமி தொகுத்து வழங்க ஏற்புரையாற்ற , திரு.சாரு மைக் அருகே வந்தபொழுது இரவு மணி 9.15, இதில் முக்கியமான விசயம் , பிலிம் சேம்பரில் இருக்கையோ 220, ஆனால் வாசகர் கூட்டம் 400 யை தொட்டது. இந்த 400 பேரும் சாருவின் ஏற்புரை 10.00 மணிக்கு முடியும் வரை இருந்தனர். வாசகர் மத்தியில் சாருவிற்கான மரியாதை தெரிந்தது.

இரவு நண்பர்களுக்கான விருந்தில் சாருவே ஒவ்வொருவரிடம் சென்று , அவர்களின் மெனுவை கேட்டு ,வரவழைத்து கொடுத்தார்.அவரின் எளிமை தான் இத்தனை வாசகர் கூட்டத்தை தன்னகத்தே வைத்துக்கொள்ளும் ரகசியம் புலப்பட்டது.

விழா நாயகன் சாரு நிவேதிதா ஏற்புரை

கல்கி உரையாற்றுகிறார்

பதிவர்களின் நடுவில் பிரபல பதிவர் “ லக்கி லுக் யுவ கிருஷ்ணா”

பதிவர் புதுகை. அப்துல்லா

உயிர்மை மனுஷ்ய புத்திரன், இயக்குனர் வசந்த பாலன்.

முன் வரிசையில் பதிவர் உமா ஷக்தி

அய்யனார் கம்மா படைப்பாசிரியர் நர்சிம் ( என்னோட படத்துக்கு நீ தாம்பா ஹீரோ)

பதிவர்கள் வெண்பூ, நீரோடை முரளி கண்ணன், எண்டர் கவிஞர் கேபிள் சங்கர்.

பதிவர்கள் பட்டர் பிளை சூர்யா, எண்டர் கவிஞர் கேபிள் சங்கர், அதிஷா

அரங்கு நிறைந்த கூட்டம், முன் வரிசையில் முதல் ஆளாய் பதிவர் தண்டோரா மணிஜி,மூன்றாவது வரிசையில் முதல் ஆளாய் பதிவர் ரோமியோ பாய்.

” நரகத்திலிருந்து ஒரு குரல்” இயக்குனர் வசந்த பாலன் பெற்று கொள்கிறார்.

” வாழ்வது எப்படி” திருமதி.செல்வி பெற்று கொள்கிறார்.

” அருகில் வராதே” இயக்குனர் மிஷ்கின் பெற்று கொள்கிறார்

” அதிகாரம் அமைதி சுதந்திரம்” திரு.பாரதி கிருஷ்ண குமார் பெற்று கொள்கிறார்.

“ மலாவி என்றொரு தேசம் “ எஸ். ராமகிருஷ்ணன் பெற்று கொள்கிறார்.

”ஒழுங்கின்மையின் வெறியாட்டம் “ பெற்று கொள்கிறார் திருமதி. அவந்திகா சாரு.

” ரெண்டாம் ஆட்டம் “ கல்கி பெற்று கொள்கிறார்.

” கனவுகளின் மொழிபெயர்ப்பாளன்” ஷாஜி பெற்று கொள்கிறார்.

” தாந்தேயின் சிறுத்தை “ பெற்று கொள்கிறார் திரு.அழகிய பெரியவன்.

சாருவின் “ கெட்ட வார்தை “ புத்தகம் மதன் பாப் பெற்றுக்கொள்கிறார்.

மேடையில் சா.கந்தசாமி, மதன் பாப், மிஷ்கின், பாரதி கிருஷ்னகுமார், சாரு

விழா மேடையில் மனுஷ்ய புத்திரன், ஷாஜி, அழகிய பெரியவன், ராமகிருஷ்ணன்,கல்கி, சா.கந்தசாமி.

நன்றி
அன்புடன்
காவேரி கணேஷ்

அகநாழிகை-புத்தக வெளியீட்டு விழா-புகைப்படங்கள்

2009-12-12T14:07:00.000+05:30

மூத்த பதிவர்கள் பட்டர் பிளை சூர்யா, கவிஞர் கேபிள் சங்கர், தண்டோரா மணிஜி

கோவில் மிருகம் கவிதை படைப்பாசிரியர்--என்.விநாயக முருகன்
அகநாழிகை வெளீயிட்டாளர் பொன்.வாசுதேவன் தொகுப்புரை
மருத்துவர் புரூனோ, யுவகிருஷ்ணா
உமா சக்தி அய்யனார் கம்மா நாயகன் நர்சிம், ஜ்யாவரம்சுந்தர், யுவகிருஷ்ணா,யாத்ரா,டி.வி.ராதாகிருஷ்ணன்,
விழா மேடையில் ஞானி,பாஸ்கர் சக்தி.
சாருவின் கனிவான பேச்சு.

படித்ததில் பிடித்தது--இப்படியும் ஒரு கலெக்டர்

2009-11-28T10:31:00.000+05:30

லஞ்சம் தவிர்த்து நெஞ்சம் நிமிர்த்து! இப்படியும் ஒரு கலெக்டர்

''என்னை கோயம்புத்தூருக்கு டிரான்ஸ்ஃபர் பண்ணியிருந்த நேரம். என் பொண்ணு யாழினிக்கு அப்போ மூணு வயசு. திடீர்னு ஒருநாள் ராத்திரி அவ மூச்சுவிட சிரமப்பட்டா. ஹாஸ் பிடலுக்குத் தூக்கிட்டுப் போனா உடனே அட்மிட் பண்ணச் சொல்லிட் டாங்க. மாசக் கடைசிங்கிறதால கையில ஆயிரம் ரூபாய்கூட இல்லை. புது ஊரு. அறிமுகம் இல்லாத மனுசங்க. எனக்குக் கீழே வேலை பார்க்குறவங்ககிட்ட கடன் கேட்கவும் சங்கடமா இருந்துச்சு. காஞ்சிபுரத்துல நான் வேலை பார்த்துட்டு இருந்தப்ப, எனக்கு நண்பரான ஒரு ஸ்கூல் டீச்சரும் அப்ப கோவைக்கு டிரான்ஸ்ஃபர் ஆகி வந்திருந்தாரு. அவர்கிட்ட தயங்கிட்டே நாலாயிரம் ரூபாய் கடன் கேட்கவும், அரை மணி நேரத்துல கொண்டுவந்து கொடுத்தார். உடனே, குழந்தைக்கு ட்ரீட்மென்ட் ஆரம்பிச்சுட்டோம். ஆனா, சம்பளம் வாங்கினதும் அந்தக் கடனை அடைச்சதும்தான் என் மனசுல இருந்த பாரம் இறங்குச்சு!''

சகாயம் ஐ.ஏ.எஸ்., நாமக்கல் மாவட்ட ஆட்சியர். மதுரையில் ஒன்பது லட்ச ரூபாய் மதிப்பில் எல்.ஐ.சி. ஹவுஸிங் லோன் மூலம் கட்டப்பட்ட ஒரு வீடு, வங்கியில் 7,172 ரூபாய் சேமிப்பு எனப் பகிரங்கமாகத் தனது சொத்துப் பட்டியலை வெளியிட்ட இந்தியாவின் முதல் ஐ.ஏ.எஸ்., அதிகாரி சகாயம். 'லஞ்சம் தவிர்த்து நெஞ்சம் நிமிர்த்து' வாசகத்துக்குக் கீழ் தலை நிமிர்ந்து அமர்ந்திருக்கிறார் சகாயம்.

''நான் அந்த கோயம்புத்தூர் சம்பவத்தை ஏன் சொல்றேன்னா... அப்ப என் கன்ட்ரோல்ல 650 மதுபானக் கடைகள் இருந்தன. லைசென்ஸ் புதுப்பிக்க கடைக்குத் தலா 10 ஆயிரம் ரூபாய்னு கொடுக்கத் தயரா இருந்தாங்க. நான் ஒரு வார்த்தை சொல்லியிருந்தா, அடுத்த அஞ்சாவது நிமிஷம் 65 லட்ச ரூபாய் என் வீடு தேடி வந்திருக்கும். ஆயிரம் ரூபாய்கூட கையில் இல்லாத, மகளுக்கு உடம்பு சரியில்லாத சூழ்நிலையில் மனநிலை என்ன மாதிரி இருக்கும்னு யோசிச்சுப்பாருங்க. ஆனா, அதெல்லாம்தான் ஓர் அரசு அதிகாரியின் நேர்மைக்கான சோதனை. நேர்மையா இருக்குறதுல ஒரே ஒரு சிக்கல் மட்டும்தான். நாளுக்கு நாள் நமக்கு எதிரிகள் அதிகரிச்சுட்டே போவாங்க. அவங்களை மட்டும் சமாளிச்சுட்டாப் போதும்!'' - தடதடக்கும் வார்த்தைகளில் கொப்பளிக்கிறது உற்சாகம்.

புதுக்கோட்டை மாவட்டம் பெருஞ்சுனை குக்கிராமம்தான் என் ஊரு. 'மத்தவங்க தோட்டத்து மாங்காய் தெருவுல கிடந்தாக்கூட எடுத்துட்டு வரக் கூடாது'ன்னு சொல்ற அம்மா. 'நீ படிச்சு கலெக்டர் ஆகி, உதவின்னு கேட்டு வர்றவங்களுக்கு எல்லாம் உதவணும்டா'ன்னு சொல்லிட்டே இருக்குற அப்பா. 'கலெக்டர்தானே... ஆயிடுவோம்'னு படிச்சேன். ஆயிட்டேன். வேலைக்குச் சேர்ந்த முதல் நாள் நம்ம மனசு எந்தளவுக்குப் புத்துணர்ச்சியோடவும் புனிதமாகவும் இருக்கோ... கடைசி நாளின்போதும் அதே உணர்ச்சியோடு ஓய்வு பெறணும்னு மட்டும் முடிவு பண்ணேன்.

காஞ்சிபுரத்துல டி.ஆர்.ஓ-வா இருந்தப்ப ஒரு பெரியவர் தான் வாங்கிய பெப்சியில் அழுக்குப் படலம் இருந்ததாகப் புகார் கொடுத்தார். சாம்பிளை லேப் டெஸ்ட்டுக்கு அனுப்பினதுல, 'மனிதர்கள் குடிக்க ஏற்ற பானமில்லை'ன்னு ரிப்போர்ட் வந்தது. சட்டப்படி அந்த நிறுவனம் மேல என்ன நடவடிக்கை எடுக்கணும்னு ஒரு அறிக்கை தயாரிச்சேன். ரொம்ப யோசனைக்குப் பிறகு தாசில்தார்கிட்ட எட்டு பூட்டு மட்டும் வாங்கிட்டு வரச் சொன்னேன். எதுக்குன்னு புரியாம வாங்கிட்டு வந்தவரைக் கூட்டிக்கிட்டு மதுராந்தகத்துல இருக்குற பெப்சி கம்பெனிக்குப் போனேன்.

நான் தயாரித்த அறிக்கையின் ஒரு நகலை கம்பெனி மேனேஜர்கிட்ட கொடுத்துட்டு, 'கம்பெனியைப் பூட்டி சீல்வைக்கப் போறோம். எல்லாரையும் வெளியே வரச் சொல்லுங்க'ன்னு சொன்னோம். அந்த மேனேஜரைவிட என்கூட வந்த தாசில்தார் ஆடிப் போயிட்டாரு. 'சார்... பெரிய பிரச்னை ஆயிடும். எதுக்கும் கலெக்டரை ஒரு வார்த்தை கேட்டுக்கலாம்'னு பதறுனாரு. 'கலெக்டரைக் கேட்டா சீல்வைக்க விட மாட்டாரு. சட்டப்படி இந்தக் கம்பெனியை மூட நமக்கே அதிகாரம் இருக்கு. நீங்க தைரியமா உங்க கடமையைச் செய்யுங்க'ன்னு அவரை உள்ளே அனுப்பினேன். ஒரு மணி நேரம் கழிச்சு இன்னும் பதற்றத்தோடு வெளியே வந்தவரு, 'சார்... அவங்க அமெரிக்கா வரைக்கும் பேசுறாங்க சார். சி.எம்-கிட்ட பேசுறதாச் சொல்றாங்க சார். என்ன பண்ணலாம்?'னு கேட்டாரு. 'உள்ளே இருக்கிறவங்களை அரெஸ்ட் பண்ணிட்டு சீல்வைக்க வேண்டியதுதான்'னு நான் சொல்லவும்தான் எல்லாரும் பயந்து வெளியே வந்தாங்க. கம்பெனியை இழுத்து மூடி, எட்டு பூட்டுகளையும் போட்டு சீல்வெச்சுட்டோம்.

நான் உடனே அலுவலகத்துக்குப் போகாம ஒரு குக்கிராமத்துக்குப் போயி ரேஷன் கடை, பள்ளிக்கூடத்தை எல்லாம் ஆய்வு பண்ணி முடிச்சுட்டு, ராத்திரி எட்டு மணிக்கு வீட்டுக்கு வந்தேன். என் மனைவி வாசல்லயே காத்துட்டு இருந்தாங்க. கலெக்டர், சீஃப் செக்ரெட்டரி, உள்துறைச் செயலாளர்னு பலரும் என்னைக் கேட்டு வீட்டுக்கு போன் பண்ணிஇருக்காங்க. நான் திரும்ப எல்லோருக்கும் போன் பண்ணா, 'யாரைக் கேட்டு சீல்வெச்சீங்க? என்ன காரியம் பண்ணியிருக்கீங்க தெரியுமா?'ன்னு எல்லாரும் கேள்வி கேட்டாங்க. 'நான் என் கடமை யைத் தான் சார் செஞ்சேன். மக்களுக்கு நல்லது செஞ்சதுக்காக சஸ்பெண்ட் பண்ணா, தாராளமாப் பண்ணிக்கோங்க'ன்னு சொல்லிட்டேன்.

மறு நாள் எந்தப் பத்திரிகைலயும் பெட்டிச் செய்தியாக்கூட பெப்சிக்கு சீல்வெச்ச சம்பவம் ரிப்போர்ட் செய்யப்படவே இல்லை.ரெண்டு நாள் கழிச்சு ஜூனியர் விகடன்ல மட்டும் அந்தச் செய்தி விரிவா வந்திருந்தது. அதுக்குப் பிறகுதான் பெப்சிக்கு நான் சீல்வெச்ச விஷயமே வெளி உலகத்துக்குத் தெரிஞ்சது.
இதுவரை 15 இடங்களுக்கு என்னை மாத்தி மாத்திப் பந்தாடிட்டாங்க. இப்போதான் முதன்முதலா நாமக்கல் மாவட்டத்துக்கு கலெக்டர் ஆகியிருக்கேன். மாவட்டம் முழுக்க ஒரு கோடி மரக் கன்றுகள் நடத் திட்டமிட்டு, ஏழு லட்சம் மரக் கன்றுகளை நட்டாச்சு. அவற்றின் முறையான பராமரிப்புக்கும் ஏற்பாடு பண்ணியாச்சு. இன்னும் 10 வருஷத்துல அதிக மரங்கள் உள்ள மாவட்டமாக நாமக்கல் இருக்கும். ஏற்கெனவே நொந்து போயிருக்கும் விவசாயிகளை, 'குறை தீர்க்கும் கூட்டத்துக்கு வா'ன்னு ஒவ்வொரு மாசமும் கலெக்டர் ஆபீசுக்கு அலைக்கழிக்கிறது நல்லாவா இருக்குன்னு நானே விவசாயிகளைத் தேடிப் போக ஆரம்பிச்சேன். ஒருநாள் ராத்திரி முழுக்க அந்தந்த கிராமத்துலயே தங்கி, அவங்க குறைகளை வாழ்ந்து பார்த்துட்டு வருவேன். அப்பதான் அவங்க சொல்றதுக்கு முன்னாடியே அவங்க குறைகள் என்னன்னு நாமளே உணர முடியும்!'' என்கிற சகாயம், தன் மகள் யாழினியை மடியில் வைத்துக்கொண்டு, ''சொல்லுடா குட்டி... உயர உயரப் பற... வானம் வசப்படும்!'' என சொல்லிக் கொடுக்கிறார்.

''உயர உயரப் பற... வானம் ஒரு நாள் வசப்படும்'தான் கரெக்ட்!'' - திருத்திச் சிரிக்கிறாள் கலெக்டர் மகள்!

பதிவர் சந்திப்பு ரத்தும், நான் எடுத்த புகைப்படங்களும்

2009-11-07T13:09:00.000+05:30

மழை வேறு நேற்று மாலை முதல் இப்பொழுது வரை கொட்டுகிறது, இன்று பதிவர் சந்திப்பு என்று நாள் குறித்துள்ளார் கேபிள், சந்தோசமாக மனம் இருந்தது. கொட்டின மழையிலும், ரோட்டில் கிடக்கிற தண்ணியை பார்த்து , பதிவர் சந்திப்பு ரத்து என அறிவிப்பு வந்தது.

சரி, மழையை செல்போனில் புகைப்படம் எடுக்கலாம் என்றால், வீட்டில், வெளீல போன , மவனே,ம், ஹுக்கும் என்று நர்சிம் பாணியில் வேறு, நாம தான் சும்மா இருக்கமாட்டோமெ, சரின்னு குடையை எடுத்து கொண்டு இந்த மொட்டை மாடிக்கு போய்விட்டு, வீட்டை ஒரு சுத்து சுற்றி விட்டு வ்ரேன்னுட்டு , செல்போனில் படம் எடுத்தேன்.காட்சிகள் இங்கே.

சென்ற மாதம் வைத்த கொரியன் புல்லில் மழை நீர்

முழுவதும் தண்ணீரால் கழுவப்பட்ட ரோடு

70 அடியில் இருந்த கிணற்று நீர் 3 நாள் பெய்த மழையில் வெறும் 15 அடியில் நீர்.

ஒரு வருடமாக மழையை பார்க்காத 50 வருட‌ மாமரம் மனம் குளிர்ந்த மகிழ்ச்சியில்.

தேங்கிய மழை நீரில் தேரோட்டம்.

இருண்ட வானமும், எழும்பி நிற்கும் தென்னையும்.

மொட்டை மாடியில் மழை நீர்.

குளமாய் தேங்கி நிற்கும் நீர்.

மழையில் குளித்த மாமர இலைகள்.

மழைக்கு, குட்டியுடன் வந்திருக்கேன்,கொஞ்சம் இடம் கொடுப்பா கேட்கிறார் பூனையார்.

என்னது பதிவர் சந்திப்பா,எதாவது ஏற்பாடு பண்ணே, மிரட்டும் மேகம்.

அன்புடன்

காவேரி கணேஷ்

வீரதளபதியின் வெற்றி காவியம் "நாயகன்"கலைஞர் தொலைகாட்சியில்

2009-01-12T18:58:00.000+05:30

வீரம் வெளஞ்ச மண் ராமனாதபுரம் பெற்றேடுத்த சிங்கம், அனாத ரட்சகன், ஆபத்பாந்தவன், வடபழனி ஆட்டோ டிரைவர்களின் வள்ளல் பெருமான்.

தென்னகத்தின் ஆர்னால்டு.

தான் தயாரித்த படத்திற்கு தன் வசூலை பார்க்காமல் தன் ரசிகர்களுக்கு இலவச பிரியாணியும், இலவச டிக்கெட்டும் கொடுத்து படம் பார்க்க வைக்கும் தன்னலமற்ற பொதுநலவாதி.

கானல் நீராய் போய்விடுவார் என எண்ணியிருந்த தமிழ் கதானாயகர்களுக்கு தான் என்றூமே தமிழ் நெஞ்சங்களில் ஒரு நாயகன் என நீருபித்து காட்டியவர்.

அமெரிக்காவில் நாயகன் படத்தை வெளியிட்டு ,எங்கே தனக்கு போட்டியாக வருவாரோ? என தேர்தல் நேரத்தில் ஜான் மெக்யைனையும், பராக் ஓபாமாவையும் ஸ்தம்பிக்க வைத்தவர்.

இவ்வளவு சிறப்புகள் வாய்ந்த‌

எங்களின் வீர தளபதி

அகிலாண்ட நாயகன்

J.K.ரீத்திஷ்

அவர்களின் வெற்றி காவியம் " நாயகன் " திரைப்படம் கலைஞரின் தமிழ் புத்தாண்டு தை திங்கள், பொங்கல் திருநாளில் கலைஞர் டிவி யில் இந்திய தொலைகாட்சி வரலாற்றில், புவியியலில், அறிவியலில் முதன்முறையாக காண்பிக்கபடுகிறது.

அன்பு வலைபதிவர்களே, வலை பதிவு படிப்பவர்களே வரலாற்றின் பொன் எழுத்துக்களால் பொறிக்கபட வேண்டிய நாயகன் திரைப்படத்தை கண்டு பூர்வ ஜென்ம புண்ணியத்தை அடையுங்கள்.

இப்படிக்கு
காவேரி கணேஷ்

தலைவர்

அகில உலக JKR ரசிக மன்றம்‌.

மன்றத்து நிர்வாகிகள்
தலை வி ராப்

துணைத்தலைவர் ச்சின்னப்பையன்

செயலாளர் :
வால்பையன்

பொருளாளர் புதுகை.அப்துல்லா

கொள்கை.ப.செயலாளர் வித்யா

போர்படை தள‌பதி கார்க்கி.

மற்ற நாட்டு நிர்வாகிகள்
சிங்கப்பூர்
ஜோஸப் பால்ராஜ்

சவூதி
தமிழ்பிரியன்

ஆஸ்திரேலியா
சின்ன அம்மினி

தமிழ் மக்களுக்கு எம்.ஜி.ஆரு

தமிழுக்கு கலைஞரு

தமிழ் கவிதைக்கு பாரதியாரு

அடுக்கு மொழிக்கு டி.ஆரு

ஆந்திராவுக்கு என்.டி.ஆரு

அந்த அமெரிக்காவுக்கே

இனி இந்த ஜெ. கே .ஆரு.

திருமங்கலம் இடைதேர்தலும் , நான் போட்ட ஓட்டும்.

2009-01-08T20:51:00.000+05:30

ஐயா வணக்கமுங்க சாமி, என் பேரு கருப்பசாமி, திருமங்கலம் பக்கத்துல வளையங்குளம் ண்ற ஊரு சாமி, நாலாப்பு நாலு தடவ படிச்சதுனால, அதுக்கு அப்புறம் பள்ளிகூடத்துக்கு போகல.விவசாய கூலி நானு.போன மாசம் எங்கூர்ல தேர்தல் அறிவிச்சுபுட்டாங்க. மொத்த திருமங்கலமே திருவிழா மாதிரி ஜெ ஜெ ந்னு கூட்டம் சாமி. மொத்த எளந்தாரி பயலுங்க, எம்மாதிரி கூலி வேல செய்ரவங்க எல்லாம் இங்கிட்டு, அங்கிட்டு ஓடுறான்.

நம்ப கூலிகார நண்பன் இருளாண்டிட்ட கேக்கிறேன், என்னாட பத்து நாளா நீயும் வேலைக்கு போகாம, என்னாட செய்யுறே கேட்டா , போடா முட்டா பயலெ,கிறுக்கு பய தான் வேலைக்கு போவான், தேர்தல் திருவிழால்ல நீயும் கலந்துக்குடானு என்னைய வேற கூப்பிட்டான்.

வாடா திருமங்கலத்துக்கு போலாம்ன்ட்டு, அந்த உசர பஸ்ல , சாமி டிக்கெட் ஏழு ரூபாய்ம்ல,இருளாண்டி கூட்டிட்டு போறான்..சாமி... ஊர் எல்லையை தாண்டல, கொடியும், தோரணமும், கம்பும், கட்டையுமா லாரி, லாரியா கட் அவுட்டும் போற இடத்திலெ இறங்குது. ஆமாண்டா,இருளாண்டி நம்ம ஊரு கூலு மாரியம்மன் திருவிழா மாதிரி இருக்குதுடா ந்னு நான் சொல்ல,திருமங்கலம் வந்திருச்சு.

இருளாண்டி ஒரு பெரிய மனுசன்ட்ட கூட்டி போனான், தலைவரெ,இவன் நம்ம ஆளூன்னு சொல்ரான்,டபக்குன்னு 1000 ரூபா நோட்டு எடுத்து நீட்டிட்டார்,பக்குனு ஆயிருச்சு எனக்கு பத்து ரூபாய்க்கு பஸ்ல ஏற வழியில்லாத எனக்கு1000 ரூபாயா,; வாங்கி சட்டை பையிலெ பின்னம் பக்கமா பத்திரமா வைச்சுகிட்டேன்.பெரிய மனுசன், ஓட்ட நம்ம கட்சிக்கு போட்டுருன்னாரு.எங்கூடவே ஒரு ஆயிரம் எலந்தாரி பயலுக 1000 ரூபாய் நோட்ட வாங்குறான்.

அப்ப முடிவு பண்ணேன் சாமி, இன்னும் ஒரு மாசத்துக்கு கூலி வேலைக்கு போககூடாதுன்னு, அப்புறம் அந்த உசர பஸ்ல காலு மேல காலு போட்டுக்கிட்டு வந்தேன்.வரும் பொழுது வயிரு முட்ட சாராயம் போட்டுகிட்டு வீட்டுக்கு வந்தா, என் குத்த வெச்ச சிறுக்கி அதாங்க என் பொண்டாட்டி அன்னகிளி ,குத்த வெச்ச பொழுது எப்படி உக்காந்து இருந்தாலோ ,அப்படியே இப்பவும் இலவச கலர் டிவி முன்னால் உட்கார்ந்து சீரியல் பார்க்கிரா.

அடுத்த‌ நாள் காலைல‌ இருந்து , ந‌ம்ம‌ ஊருக்கு கார், காரா வ‌ருது, ஒவ்வொரு க‌ட்சிகார‌னா வாரான், சாமி என‌க்கு ஒட்டு போடுங்க‌ன்னு ஆளுங்க‌ட்சிகார‌ன் ஒவ்வொரு வீட்டுக்கும் 1000 ரூபாய் தாரான், இதை பாத்திட்டு அடுத்த நாளே எதிர்க‌ட்சி கார‌ன் 2000 ரூபாய் தாரான். நான் விடுவேனா, எல்லாத்தையும் வாங்கிபுட்டேன்ல‌.ஒரு வார‌ம் க‌ழிச்சு வீடு, வீடா வ‌ந்து ரேஸன் கார்டு வ‌ச்சுருக்க‌வ‌ங்க‌ வீட்டுக்கு த‌லைக்கு 2000 ரூபாய் கொடுத்தார் எங்க‌ த‌ர்ம‌ பிர‌பு ஒன்றிய‌ செய‌ளாளர்.

அப்புறம் ராசு ம‌க‌ன் ராசெந்திர‌ன் வ்ந்து, க‌ருப்பு ஊர் எல்லையிலெ நாலைக்கு க‌டா விருந்து வ‌ந்துடுடா சொல்றான். குடும்ப‌மே முத நாள்லருந்து கொல‌ ப‌ட்டினி தான். அடுத்த‌ நாள் பார்த்தா ஊரே விருந்துக்கு வ‌ந்திருக்கு, நூறூ ஆடு வெட்டி, 1000 கிலோ கறி சாப்பாடு போடுது ஆளூங்க‌ட்சி ஒன்றிய‌ம்.வ‌யிரு முட்ட‌ நானும்,என் பொண்டாட்டியும், என் புள்ளயும் சாப்பிட்டு, இலையை மூடுனா, இலைக்கு அடியிலெ 1000 ரூபாய் இருக்கு சாமி....சாப்பிட்ட‌ கார‌ சாப்பாட்டுல்ல‌ க‌ண்ணுல‌ வ‌ந்த‌ உப்பு க‌ண்ணீர் கூட‌ இனிப்பா மாறீருச்சு சாமி...

பிறவு, ஒன்றியம் வந்து, கருப்பசாமி ,தண்ணீர் பார்ட்டியும் இருக்கு, சாப்பிட்டு போன்னு சொன்னார் மனுசன்.கறி சாப்பாடு போட்டு, 1000 ரூபாயும் கொடுத்து,தண்ணீ பார்ட்டிக்கு வா ன்னு கூப்பிடுறார்னு ஆடி போய்ட்டேன், தெய்வம்யா நீ.

நாலு நாள் கழிச்சு, நம்ம அமைச்சரு தார, தப்பட்டை முழங்க, முழங்காலுக்கு மேல வேட்டிய மடிச்சுக்கிட்டு 50 பேரோட வந்தார். நம்ம வீட்டு அன்னகிளீ ஆரத்தி எடுத்துச்சு அமைச்சருக்கு, அவர் முன்னால வந்த எடுபிடி அன்னகிளீ கையிலெ ஒரு சேலையை கொடுத்திட்டு போய்ட்டான். வீட்டுக்குள்ளே போய் சேலையை விரிச்சு பார்த்தா ,சேலைக்குள்ளே ரெண்டு 1000 ரூபாய் நோட்டு இருக்கு சாமி.

பிறகு ஒரு நாள் நம்ம கருப்பு எம்.ஜி.ஆரு,பொண்டாட்டியுடன் வீதி, வீதியா வந்தார்,என்னைய பார்த்தவுடன் தம்பி நம்ம கட்சிக்கு ஒட்டு போடுங்கனு கேட்டார்.அப்புறம் சரத்குமார் அண்ணாச்சியும், சித்தி ராதிகாவும் ஒண்ணூ சேர வந்து , என்னைய பாத்து கும்பிட்டு, வோட்டு எனக்கு போடுப்பான்னு கேட்டாரு.அதிர்ச்சியிலே ஆடி போய்டேன், எம்மாம் பெரிய மனுசங்க ரெண்டு பேரும், நம்மளே பாத்து கும்பிடு போடுரானென்று எனக்கு அளூகையெ வந்திருச்சு சாமி.

தேர்தலுக்கு ரெண்டு நா முந்தி,ராவு 10 மணி இருக்கும், தட தடன்னு கதவு தட்டும் சத்தம் கேட்டுச்சு, யாருன்னு கதவு தொரந்து பார்த்தா எங்க ஊர் சுயேட்சை வேட்பாளர் சந்தானம்,கூட 100 பேரும் இருந்தாங்க. கருப்பசாமி, கூலு மாரியம்மன் கோயில்கிட்ட நீ வான்னு சொல்ரார்.சரி பணம் தான் தர போறார்ன்னு போணேன்.

மாரியம்மன் கோயில் முன்னாடி ஊர்காரங்க அத்தனை பேரும் இருக்காங்க, ‌சந்தானம், இந்த ஊர்காரன் நான் தேர்தல்ல நிக்கிறேன், நீங்க எல்லோரும் எனக்கு ஓட்டு போடனும் சொல்லி கையெடுத்து கும்பிடுறான்.சரின்னு ஊர் சொல்லிச்சு. அதுக்கு சாட்சியா இந்த மாரியம்மன் முன்னால சத்தியம் பண்ணி கொடுங்கன்னு சந்தானம் கேட்டான். வேற வழியில்லாம நானும் கூலு மாரியம்மன் முன்னால சந்தானத்துக்கு ஒட்டு போடுறேன்னு சத்தியம் பண்ணேன்.

நாளைக்கு தேர்தல்,ராத்திரி 11 மணி இருக்கும்,எந்திருச்சு நின்னு எனக்கு கெடச்ச காச எண்ணி பார்த்தேன், சுளூவா 12000 ரூபாய் தேருச்சு, இந்த மாதிரி மாதம் ஒரு தேர்தல் வரகூடாதான்னு ஓரே கிறு கிறுப்பு.யாருக்கு ஓட்டு போடலாம்னு ஓரே குழப்பம். என் பொண்டாட்டி அன்னகிளிகிட்ட கேட்டேன்,எம்புள்ள யாருக்கு ஓட்டு போடலாம்னு? அது ஓரே வார்த்தையிலெ சொல்லிபிடுச்சு, இப்பிடி கேட்டுபிட்ட, சித்தி ராதிகாவுக்கு தான் போடனும்னு எனக்கு ஆர்டரே போட்டாள்.அவ ஒரு சீரியல் பைத்தியமுங்க;;;.

முடிவு பண்ணிட்டேன் சாமி.

மறு நா காலைல 8.30 மணிகெல்லாம் ஓட்டு போட போய்ட்டேன், சாவடியிலுருந்த போலீசு என்னைய மொறச்சு பார்த்தான்,அவன் கிடக்கிறான் ,என்ட இருக்கிற 12000 ரூபாய் அவன்ட கூட இருக்காதுனு மிதப்புல உள்ளே போணேன்.அங்க இருந்த ஆபிசரு எங்கையில மை தடவி, அடப்புக்குள்ள இருந்த ஓட்டு பெட்டிக்கு போக சொல்லி பட்டன அமுக்க சொன்னார்.

விடுவேனா சாமி.........

8000 ரூபாய் கொடுத்த ஆளுங்கட்சிக்கும், 4000 ரூபாய் கொடுத்த எதிர்கட்சிக்கும், வீடு தேடி வந்த கருப்பு எம்.ஜி.ஆருக்கும், எம் பொண்டாட்டி ஆசையா சொன்ன சித்தி ராதிகாவுக்கும், கூலு மாரியம்மன் கோயில்ல சத்தியம் வாங்குன எங்க ஊரு சந்தானத்துக்கும் ஓட்டு போட்டுட்டேன்.

சரி போகலாம்னு முடிவு பண்ணா ,அப்ப தான் ஞாபகம் வருது, பக்கத்து ஊரு பாரபத்தி காரன் சுயேட்சையாக நின்னு, நாலு நாளைக்கு முன்னால என் வீட்டு வாசல்ல கால்ல விழுந்து ஓட்டு கேட்டான்.சரி அவனுக்கும் ஓட்டு போட்ருவோம்னு அவனுக்கும் ஓட்டு போட்டேன் சாமி...

இப்ப தான் சாமி என் மனசு குளூந்து போச்சு:::

வீட்டுகிட்ட வந்தவுடன் பக்கத்து வீடு ராசு கேட்டான், மாப்ளே யாருக்கு ஓட்டு போட்டேன்னு?நான் எல்லோருக்கும் தான் ஓட்டு போட்டேன்னு சொன்னா, போடா மட பய மவணேனு சொல்றான்.

எனக்கு ரோசம் வந்திருச்சு, நீ என்னடா எங்கப்பார திட்டுரேன்னு சொல்லி,என் முதுகுல இருந்த அரிவாள எடுத்துப்புட்டேன்.அப்புறம் பங்காளி இருளாண்டி வந்து சமாதானம் பண்ணினான்.

எஞ்சாமிக‌ளா? நீங்கெல்லாம் ப‌டிச்சவ‌ங்க‌ தாணே? நான் ஓட்டு போட்ட‌து ச‌ரி தாணே? அதெப்ப‌டி சாமி, காசையும் வாங்கிபுட்டு, க‌றி சோறும் சாப்பிட்டு,கோயில்ல‌ ச‌த்திய‌மும் ப‌ண்ணி, ந‌ம்ம‌ கால்ல‌ விழறவனுக்கும் நாம துரோகம் பண்லாங்களா, நீங்களே சொல்லுங்க.

பேராசை பெருநஷ்டம்

2008-12-26T20:51:00.000+05:30

பார்த்த்தில் பிடித்தது, கருத்து சொல்லுங்க!

தேனுர் சிவாஜி

2008-11-10T18:31:00.000+05:30

dear readers, i know this senthil last 2 years, this week kumudam wrtiesup about him.

படித்தது இன்ஜினீயரிங். பார்த்தது அமெரிக்காவில் உள்ள டெட்ராய்ட்டில் சாஃப்ட்வேர் இன்ஜினீயர் வேலை. சம்பளம் மூன்று வருடத்திற்கு முன் மாதம் நான்கு லட்சம்...
பேங்கில் பேலன்ஸ் கோடிகளை நெருங்கும்போது மனதில் சின்ன குறுகுறுப்பு. பட்டென வேலையை விட்டார். திருச்சிக்குத் திரும்பினார் செந்தில்குமார்.
`உனக்கென்ன பைத்தியமா பிடிச்சிட்டு!' என்று உறவுக்காரர்கள் முதல், நண்பர்கள் வரை பலரும் ஆலோசனைகளையும், ஆற்றாமையையும் அள்ளிக்கொட்ட, எதையும் காதில் வாங்கிக்கொள்ளாமல் கிராமம் கிராமமாக சைக்கிளில் அலைந்திருக்கிறார் செந்தில்குமார். இறுதியாக தேனூரில் தன் வாழ்க்கையை செட்டிலாக்க முடிவு செய்தார்.
விவசாயம், வேலை, சாலை என சகலத்திலும் பின்தங்கிய ஒரு குக்கிராமத்தில் சாஃப்ட்வேர் இன்ஜினீயர் ஒருவர் செட்டிலாகி சாதிக்க என்ன இருக்கும்?
முதல்கட்டமாக சின்னதாக ஒரு மருத்துவமனை, ஒரு கம்ப்யூட்டர் சென்டர். சிறுவர் சிறுமிகளுக்கு ஒரு மரத்தடி பாடசாலை என தன் கைக்காசை செலவழித்து காரியங்களில் இவர் இறங்க, இன்று ஒட்டுமொத்த கிராமமும் செந்தில்குமாரை `எங்க ஊர் சிவாஜி!' என்கின்றனர்.பிறந்தது திருச்சி அருகே உள்ள திண்ணனூர் கிராமம் என்றாலும், தேனூரை தேர்ந்தெடுத்து அந்த கிராமத்தை மேம்படுத்த தன் சேமிப்பில் இருந்து இதுவரை நாற்பது லட்ச ரூபாயை செலவழித்திருக் கும் இந்த லட்சிய மனிதரை நேரில் சந்தித்தோம்.
வேஷ்டி-சட்டை. அதுவும் மலிவாக. கஞ்சிபோட்டு விறைப்பாக இல்லாமல் குழைவாக... கேரியர் வைத்த சைக்கிள். ஹாண்டில் பாரில் சாப்பாட்டுத் தூக்குப் பாத்திரம். கேரியரில் மஞ்சள் பையில் லேப்டாப். ஒட்ட வெட்டிய முடி. ஒழுங்கு படுத்தாத மீசை, தாடி என தானும் ஒரு கிராமத்து மனிதராகவே மாறியிருந்தார் செந்தில்குமார்.
``நான் மாறவில்லை. எப்பொழுதுமே இப்படித்தான்'' என்றவர் தன்னைப்பற்றிச் சொல்லத் துவங்கினார்.
``அப்பா கோபாலன். சர்க்கரை ஆலையில் வேலை பார்த்தவர். அம்மா லீலா. அண்ணன் டாக்டர், இலண்டனில். அக்கா திருமணமாகி சென்னையில். நான் கிராமங்களுக்கு சேவை செய்யப்போறேன்னு தேனூருக்கு வந்திட்டேன்.
2005 ஜனவரி 24-ல் வேலையை ஆரம்பிச்சேன். இன்னைக்கு நாலு வருஷம் ஆகப் போகுது. பாதி நிறைவேறி இருக்கு!
கிராமங்களில் அடிப்படையான மருத்துவ வசதி இல்லாமல் எத்தனையோ பேர் தெனந்தெனம் சாகிறாங்க. அப்படி ஒரு கிராமமாகத்தான் தேனூரும் இருந்துச்சு. அதனால் முதலில் ஒரு மருத்துவமனையைக் கட்டினேன்.
அப்புறம் பள்ளிக்கூடம்.

கல்விக்கூடத்தை இயந்திரம யமாக்காமல் யதார்த்த அணுகுமுறையை கடைப்பிடிக்கிறோம். முதலில் உலக வரலாறு படிக்கணும்னு அவசியமில்லை. உங்களைச் சுத்தி இருக்கிற கிராமங்களைப் பற்றியும், அந்த ஊர்களோட சிறப்புகளையும் தெரிஞ்சுக்கிடணும். இதுதான் எங்க பாட முறை.கிராமங்களில் வேலைவாய்ப்பை அதிகப்படுத்தணும். அதுக்காக தொழிற்கல்வியை தொடங்கினோம். மண்புழு உரம், டேட்டா என்ட்ரி ஆபரேட்டர், திருப்பூர் வேஸ்ட் பனியன்களை வரவச்சு அதை நூலாக பிரித்துக்கொடுப்பது, சமுதாயக்கூடம் கட்டுவதென பல்வேறு வழிகளில் வேலை வாய்ப்பை இந்த கிராமத்தில் அதிகப்படுத்தி இருக்கோம். இயற்கை வேளாண்மையை செய்கிறோம். எண்ணெயும் எடுக்கிறோம். இதுவரை 3000 மரங்கள் நட்டிருக்கோம்.
இதெல்லாம் சாதாரண விஷயந்தான். மனசுக்குப் பிடிச்சிருக்கு. அதனால சுமையாத் தெரியல. கிராமத்துக்கு நல்லது செய்யணும்ங்கிற விஷயம் மட்டுந் தான் கடமையாத் தெரியுது. இப்ப நான் செய்யற விஷயம்... ரொம்ப நாளா என் மனசுல ஊறுன விஷயம்.
நான் ஆரம்பித்த இந்த வேலையில் இப்பொழுது என் கல்லூரி, சாஃப்ட்வேர் நண்பர்கள் உதவி பண்ண ஆரம்பிச்சிருக்காங்க.
இனி எங்களுக்குத் தேவை என்னவென்றால், அரசாங்கப் பள்ளி ஆசிரியர்கள், மருத்துவ நிபுணர்கள், கல்லூரி நாட்டு நலப் பணித்திட்ட மாணவர்கள், செவிலியர் எல்லாம் வாரம் ஒரு நாளோ, மாதம் இரு நாளோ கொஞ்சம் வந்து போனால் போதும். இந்த கிராமங்களின் வளர்ச்சியில் இன்னும் வேகம் கூடும். இப்போதைக்கு இதுதான் எனக்கு தேவை'' என்று பிரமிப்பூட்டுகிறார் செந்தில்குமார்.
செந்தில்குமாரின் தாய் லீலாவோ, ``சீக்கிரம் இவனுக்கு ஒரு கல்யாணம் பண்ணி வைக்கணுங்கிறதுதான் எங்களோட ஆசை. ஆனால், சம்பாதித்த காசை சேவைன்னு செலவு பண்ற பிள்ளைக்கு யார் பொண்ணு தர்றாங்க... அதுவுமில்லாம `உங்க புள்ளை நல்லாப் படிச்சுட்டு, நல்லா சம்பாதிக்கிறப்பவே ஏன் இப்படி ஆயிட்டார்'னு அபத்தமா பேசுறதுதான் மனசுக்கு கஷ்டமா இருக்குதுங்க!'' என்று வேதனையோடு கண்கலங்கினார்..
- இரா.கார்த்திகேயன்படங்கள் : சுதாகர்

thanks kumudam
U CAN SEE THE LINK.
http://www.kumudam.com/magazine/Kumudam/2008-11-12/pg27.php

பிரிட்டனில் பொருளாதார வீழ்ச்சி இன ரீதியான பதற்றத்திற்கு வழிவகுக்கும்

2008-10-25T14:23:00.000+05:30

குடிவரவை கட்டுப்படுத்தாத பட்சத்தில், பொருளாதார வீழ்ச்சி இன ரீதியான பதற்றத்திற்கு வழிவகுக்குமென பிரிட்டிஷ் பாராளுமன்ற உறுப்பினரொருவர் (எம்.பி.) அச்சம் தெரிவித்துள்ளார்.
பல்லின சமூகம் வாழும் பேர்மிங்ஹாம் பிராந்தியத்தை பிரதிநிதித்துவப்படுத்தும் றோகெர் கோட்சிவ் என்னும் எம்.பி.யே இதனைத் தெரிவித்துள்ளார்.
மேலும் பிரிட்டனில் வேலை வாய்ப்பின்மை வீதம் அதிகரிப்பதானது குறைந்தளவு வெளிநாட்டுத் தொழிலாளர்களே நாட்டிற்குத் தேவையென்பதை உணர்த்தியுள்ளதாகவும் பாராளுமன்றத்தில் உரையாற்றுகையிலேயே இவ் விவகாரத்தை முன்வைத்த றோகெர் கோட்சிவ் இவ் விடயத்தில் நாம் மிகக் கவனமாக இருப்போம். ஆனால் சமூகங்களுக்கிடையில் நிலவும் சிறந்த உறவை சீர்குலைக்கமாட்டோமெனத் தெரிவித்துள்ளார்.
இதுதவிர பிரிட்டனில் குடியுரிமையைப் பெறுவதற்காக போலித் திருமணங்கள் மூலம் நாட்டுக்குள் நுழையும் ஆண்களை நாடுகடத்த வேண்டுமெனவும் அமைச்சர் கோரிக்கை விடுத்துள்ளனர்.
அரசாங்கத்தின் குடியேற்றக் கொள்கையை குடிவரவு அமைச்சர் பில் வூலஸ் கடுமையாக விமர்சித்ததைத் தொடர்ந்தே பாராளுமன்றத்தில் இது தொடர்பான விவாதம் ஆரம்பமானது.
தஞ்சக் கோரிக்கைகளை நாம் சிறந்த முறையில் ஆராயாததன் மூலம் எமது சமூகங்களுக்கிடையில் பிளவுகளும் வெளிப்படுத்தப்படாத துயரங்களும் உருவாகியிருப்பதாக வூலஸ் தெரிவித்திருந்தார்.
ஆனால் வூலஸ் தனதுரையில் முன்னர் பதவியிலிருந்த கன்சவேடிவ் அரசாங்கத்தையும் தனக்கு முன்னர் குடியேற்ற அமைச்சராக பதவிவகித்த லியாம் பேர்னியையுமே குற்றஞ்சாட்டியிருந்ததாக தெரிவிக்கப்படுகிறது.
தனது தொகுதியில் பாகிஸ்தான், காஷ்மீர், இந்தியா, பங்களாதேஷ், இலங்கை, யேமன், சோமாலியா மற்றும் ஆபிரிக்காவின் பல பகுதிகளைச் சேர்ந்த பல்லின, பல கலாசாரங்களைக் கொண்ட மக்கள் வாழ்வதாகத் தெரிவித்த கோட்சிவ் இந்த சிறப்பான நகரத்தில் சமூகங்களுக்கிடையில் நிலவும் உறவு சீர்குலையாமல் இருப்பதற்கான நடவடிக்கைகளை நாம் மிகக் கவனமாக மேற்கொள்வோமெனத் தெரிவித்துள்ளார்.
அத்துடன் பல்லின கலாசாரங்களைக் கொண்ட இத் தொகுதியில் வேலைவாய்ப்பின்மை வீதம் அதிகரித்து வருவது சமூக ஒற்றுமைக்கு பாரிய அச்சுறுத்தலெனத் தெரிவித்துள்ளதுடன், ஐரோப்பிய ஒன்றிய நாடுகளைச் சேர்ந்த குடியேற்றவாசிகளையும் கட்டுப்படுத்துவது தொடர்பில் பிரிட்டன் ஆராய வேண்டுமெனத் தெரிவித்துள்ளார்.
இதேவேளை, திருமணப் பந்தத்திலிருந்து விடுதலை பெறுவதற்கான வழிமுறைகள் துஷ்பிரயோகம் செய்யப்படுவதாகவும் இவ் விவாதத்தில் எச்சரிக்கப்பட்டுள்ளது.