BLACK -தமிழ் திரைப்படம் -- என் பார்வையில்

என் பார்வையில்: ப்ளாக் திரைப்படம் : Science Fiction Movie பேய், பிசாசு படங்கள் ஹாரர் என்ற வகையில் திரையை கொடுமைப்படுத்தி கொண்டிருக்கின்ற வேளையில், தரமான SCINECE –FICTION படமாக வந்திருக்கிறது, ப்ளாக் .. நாயகன் –ஜீவா வெகு சில ஆண்டுகளுக்கு பிறகு புது இயக்குனர் பாலசுப்பிரமணி தயவில், சிறந்த come back.. ECR சாலையில் உள்ள புது Gated community villa வில் , 4 நாட்கள் ஒய்வு எடுக்க போகும் தம்பதி சந்திக்கும் பிரச்சனைகள்.. ஆனால் , எல்லா பிரச்சனைகளும் எந்தவொரு அனுமான்ஷ்ய சக்தியாலும் நடைபெறமால், முழுக்க நாயகன் நோக்கும் , சிந்திக்கும் விதத்தில் காரணமாக நடைபெறுகிறது.. 3 டைம் லூப்களில் நாயகன் பார்க்கும் கோணம் ரொம்பவே வித்தியாசம்.. Super Moon, Parallel Reality, Quantum Physics , Worm Hole Theory போன்ற அறிவியலோடு கலந்து கட்டி, எடுத்த படம்.. 1964 ஆம் ஆண்டில் super Moon நிகழ்வில்,இதே இடத்தில் விவேக் பிரச்சன்னா சந்த்தித்த பிரச்சனைகளை கேட்க்கும் ஜீவா வை, Grandfather Parodox என்ற தியரியோடு, இயக்குனர் சம்பந்தபடுத்தி விடுவாரோ என்று நினைத்த பொழுது, அந்த மாதிரி எதுவும் நடக்கவில்லை.. Good. இதில் Parallel Reality மட்டுமே , படம் முழுக்க முக்கியத்துவம் பெறுகிறது.. மொத்தபடமே 2 மணி நேரத்தில் முடிவடைகிறது.. 2 மணி நேரம் சீட் நுனியில் உட்கார வைக்கும் திரைக்கதை.. படம் பார்த்து,அடுத்த 24 மணி நேரம் Parallel Reality யோடு.,நம்மை சம்பந்தப்படுத்தி பார்க்கும் எண்ணம் நமக்கு தோன்றுவதே படத்தின் வெற்றியாக பார்க்கிறேன்.. Music: Sam CS . Editing: Philomin Raj, Cinematographer: Gokul Benoy, மூவரும் இணைந்து பெரு வெற்றியை கொடுத்திருக்கிறார்கள்.. படம் வந்து 10 நாட்களுக்கு பிறகு சென்னையில் 100+ ஸ்கீரின்களாக திரையிடலை அதிகப்படுத்தியிருக்கிறார்கள்.. தரமான Science Fiction படத்தை ரசிக்கும் மக்கள் , பார்க்க வேண்டிய படம்.. well done ”BLACK “ Team..

நாயை போல் அல்ல நாம்...

நாயை போலவே நாமும்

வளைத்தும், வளைந்தும்,

குழைந்தும்

ஆனால்

அரசியல் எதிரிகளை

கடிக்காமலும், குரைக்காமலுமான வாழ்வு.

நாய்கள் வாழ்கின்றனர்.

மனிதர்கள் வாழ்கின்றன.

இதழ்

உடைந்து சிதறிய
முகக்கண்ணாடியின்
சில்லு ஒன்று
அவள் இதழில்…

கரத்தில் எடுத்தால்
வலி பொறுக்க மாட்டாளெண்னி

என் இதழால்
சில்லை எடுத்து
உயிர்ந்து கிளம்பிய
குருதியை சுவைத்தால்

ச் சீய்.. போடா..
ரத்த காட்டேரி என்கிறாள்..

சலனங்கள்...

உன்

நீள, அகலங்கள்
என் மனதில்
எப்பொழுதும்
சலனங்களின் உயரமாய்...

காவேரி கணேஷ்.

ஒற்றை வார்த்தை.

சுயம் அற்ற ,
சூன்யமாய் இருந்தாலும்,
நம்பிக்கை என்ற
ஒற்றை வார்த்தையிலேயே
தினமும்
தொடங்குகிறது,
வாழ்க்கை...

சென்னை பதிவர் சந்திப்பு--26/02/2011

அன்பான பதிவர்களே,

டிசம்பர் சீஸன் இசைக்கச்சேரி போல டிசம்பர் மாதம் நம் பதிவர்களின் புத்தக வெளியீடு நிகழ்வுகளாய் இருந்ததினால் பதிவர் சந்திப்பு நடத்த முடியாமல் போனது.

இதோ, பதிவர் சந்திப்பு இந்த வாரம் 26/2/2011 சனிக்கிழமை மாலை 6 மணியளவில் சென்னை K.K. நகர் முனுசாமி சாலையில் உள்ள டிஸ்கவரி புக்பேலஸில் நடைபெற உள்ளது.

அவ்வமயம், தமிழ் திரையுலகில் தென்மேற்கு பருவகாற்றாய் வீசிய இப்பட்த்தின் இயக்குனர் திரு.சீனுராமசாமி, நம் பதிவர்களை சந்திக்க மிக்க விருப்பம் தெரிவித்துள்ளார்.

சிங்கை பதிவர் சகோதரர் ஜோசப் பால்ராஜ் சென்னையில் உள்ளார், பதிவர் சந்திப்பில் கலந்து கொள்ள இருக்கிறார்.

மேலும், நம் பதிவர்கள் ,


சென்னையில் இந்த பிப்ரவரி மாத்தில் மழை பெய்கிறது , அப்படியானல் அண்ணன் கேபிள் சங்கர் ஏதேனும் நாவல் எழுதுகிறாரா? ,


மயில் ராவணனால் உருவாக்கப்பட்ட ஜெய் ஜாக்கி சங்கத்தின் நோக்கம் என்ன ?

பிரபல பதிவர் சட்டமன்ற உறுப்பினருக்கான நேர்காணலில் கலந்து கொள்கிறாரா?

கவுதம் பீட்டர் மேன்னின் நடுநிசி நாய்கள் படம் பார்த்த நம் பதிவர் அதிஷா, மிக்க மனநலம் பாதித்துள்ளார் , அதற்கான காரணம் என்ன ?

பட்டர் பிளை சூர்யா எங்கே போனார் ?

கிழக்கின் டிஸ்கவுண்ட் சேல்ஸ் ஒரு பார்வை.

இவற்றை பற்றி தெரிந்து கொள்வதற்கான பதிவர்களின் ஒருங்கிணைப்பு கூட்டம் நடைபெறவுள்ளது. அனைத்து பதிவர்களும், வாசகர்களும் கலந்து கொள்ள வேண்டுமாறு அன்புடன் கேட்டுக்கொள்கிறேன்.

இடம் : டிஸ்கவரி புக் பேலஸ்
நேரம் : மாலை 6 மணி
தேதி : 26/02/11
கிழமை: சனிக்கிழமை

சிறப்பு விருந்தினர் : இயக்குனர் திரு. சீனு ராமசாமி.

அன்புடன் ,

காவேரி கணேஷ்

கவிஞர் யாத்ராவின் “மயிரு ”- கவிதை தொகுப்பு வெளியீடு-புகைப்படங்கள்.

நண்பர், பதிவர், யாத்ராவின் “மயிரு” , கவிதை தொகுப்பு அகநாழிகை பதிப்பகத்தால் மிகச்சிறப்பாக , சென்னை K.K.நகர் , டிஸ்கவரி புக் பேலஸில்,நடந்தது.

சுமார் 50 பேருடன் நடந்த இந்த விழா , வந்திருந்தவர்களின் கருத்து, பரிமாற்றத்துடன் நடந்த நிகழ்வு என சொல்லலாம்.

அகநாழிகை பதிப்பகத்தால் , நேர்த்தியாக வடிவமைக்கபட்ட தாளில்,

லேமினேட் செய்யப்பட்டு, “ மயிரு ”, கவிதை தொகுப்பு,

கவிஞர் ராஜ சுந்தரராஜன் அவர்களால் வெளியிடப்பட்டு,

பதிவர், கவிஞர் ஜ்யோவ்ரம் சுந்தர் அவர்களால் பெற்றுக்கொள்ளப்பட்டது.

அகநாழிகை பொன்.வாசுதேவன் வரவேற்புரையாற்ற,கவிஞர் ராஜ சுந்தரராஜன், ஜ்யோவ்ரம் சுந்தர் சிறப்புரையாற்றினர்.

கவிதை தொகுப்பின் நூலாசிரியர் யாத்ரா அவர்கள் கவிதை தொகுப்பையும், தான் கடந்து வந்த பாதையையும் எடுத்துரைத்தார்.

முடிவில், பொன்.வாசுதேவன் நன்றியுரையாற்ற விழா இனிதே முடிந்தது.

வந்திருந்த பதிவர்கள் ,

மணிஜி, கேபிள் சங்கர், சிவராமன், ஜ்யோவ்ரம் சுந்தர், பொன்.வாசுதேவன் ,

மயில் ராவணன், ஷங்கர், வசுமித்ரன், உயிரோடை லாவண்யா, நர்சிம், லக்கிலுக், அதிஷா, விமலாதித்த மாமல்லன், பெஸ்கி, சாம்ராஜ்ய பிரியன், முத்துவேல், குகன், அசோக், விஜய மகேந்திரன், புரூனோ,உழவன், இன்னும் சிலர்.

விழாவின் புகைப்படங்கள்.

அகநாழிகை பொன்.வாசுதேவன் வரவேற்புரை.
கவிஞர் ராஜ.சுந்தரராஜன் கவிதை தொகுப்பினை வெளியிட, திரு,ஜ்யோவ்ரம் சுந்தர் பெற்றுக்கொள்கிறார்

கவிஞர் ராஜசுந்தரராஜன் சிறப்புரை.

ஜ்யோவ்ரம் சுந்தர் அவர்களின் சிறப்புரை.

யாத்ரா அவர்களின் ஏற்புரை.

மயில்ராவணனுடன் , எழுத்தாளர் விமலாதித்த மாமல்லன்.


அன்புடன்,

காவேரி கணேஷ்.